اهــــــــــــداء خــــــــــــــــاص جـــــــــــــداً/ للمتواجدين في المنتدى

..(جريح الحب)..

من بغى الفرقا لقا له عذر واسباب ودليل.... خل عنك العذر والاسباب دام الحب ضاع
كان ودك بالفراق ابشر عسى عمرك طويل....لاتردد وانت لك كلمة وامر(ن)مطاع
لي عليك انك تبت بكلمتن تشفي الغليل.... ولك علي اني لاوقف وقفة الرجل الشجاع
لاتجاملني مخافة(قال)مدري خوف(قيل)....عمر هرج الناس مايسمن ولايغني جياع
كان قصدك سر حبك اوعدك لاصبح بخيل....واحمل اسرارك معي للموت قدر المستطاع
بس قلها قل ماحبك وابشر بصبرن جميل.... لا تحسبني مثل من طبعهم لوي الذراع
صاحبك ماهو كذا ياصحب القد النحيل....صاحبك طبعه غريب وغربته غربة طباع
فالهوى مايقبل الحل الوسط ولا القليل....مثل ماهو لاشرى يشري وليا من باع باع
ثابت لوهي تميل الارض تحته مايميل.... يدري ان الفقر واهو عيب والدنيا متاع
ماعشق لذة حياته كثر عشق المستحيل....ولاكره حتى مماته كثر كره الانصياع
كم تعلم من شديد البدو وش معنى الرحيل....وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل....وكم تعلم من ليالي البرد وش معنى الضياع
ايه انا هذا طريقي موحش وصعب وطويل.... وانت لامنك تعبت فالعالم فجوجه وساع
اعتبرني في بدايتك سكتك عابر سبيل.... ورح وان قلبي معك وين ماوجهت الشراع
يكفي اني لاذكرت بسالفة عشاق قيل....عاشر احبابه شجاع وفارق احبابه شجاع


اهــــــــــــداء خــــــــــــــــاص جـــــــــــــداً/ للمتواجدين في المنتدى

صالح أبوعبيدة

زهرة الأرجوان

*ام ديما*

تسلم على المشاركة الطيبة

لؤلؤة الخليج