يابوي...

مخلصه بحبي

يابوي جعلك للبقا والمكاسيب =عمري بدونك يالذَرا ويش أبي به

يابوي تسأل عن شفاك المراقيب =طلعة سواتك للنّوايف غريبه

ليه المرض مايعرف الزّين والعيب ؟=مايدري انك للمخاليق هيبه !!

أبسألك وش به غزا وجهك الشيب =والقلب لايع والنواظر شحيبه

وش بك تحاتي لانوى الموت تغريب =تخشى علينا بالليّالي الكئيبه
خذ دلّتك واركى على مسند الجيب =وعطني شماغك بلثمه وأحتمي به

ونروّح لأرض ٍ بها العشب والطيب =وتسمع كلام ٍ يالغلا تحتفي به

يابوي بنتك لاانحكى بالتّجاريب =كل ٍ يشق لهيبه الصّيت جيبه

يابوي ماني من سوات المخاريب =اللّي تجيب لعليَة القوم خيبه

وماني من اللّي لامشت حفّها الرّيب =أنا من اللّي مايدنّس حليبه

مرفوع شاني عن غرام المكاتيب =وأكبر من انّني أرتضي بالحبيبه

أنا غرامي لاابتدوا بالتّراحيب =نفوس الأوادم في وجودي رحيبه

وان كان زيني فتنة ٍ للمصاويب =أحط وجهي بالحريق ولهيبه

زيني أبيعه وأشتري سمعه الطّيب =اسم ٍ ينومس بالصّروح الذ ّهيبه

وان كان عندي ( بالحلا) شي ٍ اصعيب =عندي جدود ٍ مارضت بالغليبه

دموع القبايل في لقانا مساكيب =كن المقابر لاحضرنا قريبه

خضّبت لك كفّي من العز تخضيب =ورفعت راسي للنّجوم الصّعيبه

والله لأسدّك بالفعول المصاليب =والله لأشيلك بالرخا والمصيبه

طلع المعالي ماانحكم للشّواريب =بنت ٍ وأناطح فارس القوم طيبه

وياشيخي إبشر لوتدور الدّواليب =بنتك إلا منّه عوى الذّيب ( ذيبه)

الحل الصـ ع ـب

–•(-• (مــ الأقسام العامة ــراقب) •-)•–

الحـــــــــــب

طلع المعالي ماانحكم للشّواريب =بنت ٍ وأناطح فارس القوم طيبه

وياشيخي إبشر لوتدور الدّواليب =بنتك إلا منّه عوى الذّيب ( ذيبه)

صح لسانك اختي مخلصه

ولاهنتي

تقبلي مروري

الحــــــــــــــب

HAMADA_JAMPU

شكرااااااااااااااااااااااااااااا

الفارس الاول

©{« مـ قسم عالم آدم ــشرف »}©

ما شاء الله
أبيات في قمت الروعه