يعم الصمت
يعم الصمت ويعانق بردهـا حالـي العنـاب
ويحتار الكـلام اللـي علـى عنقـود عنابـه
سكت فيها الكلام تقول كنه فـص ملـح وذاب
وخلالـي معانـاة الكـلام وقسـوة عتـابـه
يبا يعرف غيابي ليش طال وشنهي الأسبـاب
وأنا اللي ماسألته عن غيابه وشهي أسبابـه
نسى إنه مثل مايحمل عتابي شايل إله عتـاب
ونسى إن أعذارنا فالبعد انـا ويـاه تتشابـه
وفينا في زمن خاين صدقنا في زمـن كـذاب
خسرنا بعض لاكنا كسبنـا الهـم وإعجابـه
أنا جفت دموعي والزمان أحرق لي الأعصاب
وهو ماجفت عيونه ودمعـه غـص بأهدابـه
غلط معنا الزمان وحطنا مابين ضرس ونـاب
يقلبنا زمان الهم مـن ضرسـه علـى نابـه
سنه مرت وجرح العاطفـه بقلوبنـا ماطـاب
بلغ حد النصاب وجـاوز الشريـان ونصابـه
صحيح إنا تلاقينا بعد فرقـى وطـول غيـاب
بلاشوق وبـلا موعـد ولا حاجـات جذابـه
ولا لي ذنب أنا ويـاه لكـن الهـوى غـلاب
كتب مأسـاة فرقانـا وقفـل صفحـة كتابـه
شربنا علقم الفرقى وزيـد الكـاس ياصبـاب
وجود بعلقمـك مـادام جـا للكـاس شرابـه
أملنا صار مثل الجمله اللـي مالهـا إعـراب
يجوز إنه أمـل مجهـول نشقابـه ونحيابـه
ويجوز إنه مصيرن مستتر تقفل عليه أبـواب
بعد نرحل عن الدنيـا يبيـن موقـع إعرابـه
ألا يالله يامعبـود تفرجهـا علـى الأحبـاب
قضا صبري وخلي ناشف(ن) دمعه على أهدابه
منقول
|
