رساله عبر البريد
الهاجس اللي محتزم با الجزل ومعني القصيد **** اسرج ظهور الفكر وافحمها وسط ميدانها
جاتك قصيده من صليب الراس والراس العنيد **** اما تجينا با العقل والا نفك اجنانهــــــــــا
قال المثل ياصاحبي ماضد الحديد الا الحديـد **** شبيت نار المرجله واعميتك بدخانهــــــــا
اسمع كلام الشور والراي المحنك والسديد **** لمن لفاك الضيف لاتذبح يكود اسمانهــــــا
الهرج طايل والمعاني نقدها نقد فريـــــــــــد **** الحمل في ظهور الجمال ولاتشيل اهدانهـا
على العموم ابنعطف وانهج لي بمنهج جديد **** بيت الشعر ما ثبته غير الطنب عمدانهــا
بيت الشعر رمز البداوه عندنا يسوى رصيد **** رجل ابدوي عايش على خير البدو واحسانها
هذي رسايل جاتكم مضمونها وسط البريـــد **** مدري تشوف الناس والا تصدعنك اعيانهـــــا
|
