كان يتمنى يفوز بحبها راح وطاها
..//..
ماسمعت بقصة البنت القليله في حياها
والحقير اللي تركها بلا دم ولاقتيله
صدقت كل العجايب في الحياه ..الا نساها
كل شي الا يروح ويبتعد ذي مستحيله
اول القصه بدت من يوم هالخاين بداها
اقسم انه مايمر اليوم الا والبنت ذي له
صار له ماكان يبغاه وقدر يكسب رضاها
يشتكي من جور الأيام وجبرها تشتكي له
حبها من كثر ماهو حبها صار يتبع خطاها
حبته من كثر ماهي حبته صارت تجي له
بعدها حط الهموم بدنيته سبّة غلاها
ملها صارت سبب في ضيقته يبغي بديله
لابغاها كل شي يهون هذا لابغاها
ولو هو كذابٍ يعشق غيرها جهال جيله
وابتدت رحلة البنت في سكة عناها
ماتشيل الدمع لجله دمها كانت تشيله
تساله وين الوله والشوق أول مالقاها
مشكلة بعض البنات اليوم حكمتهم قليله
ماتخون تحسب انه مثلها صاين هواها
هي تظن الحب قبل الزواج أكبر وسيله
لاخطا واكبر خطا والحين هي شافت خطاها
ودها تدمع خطاها بس ماباليد حيله
كان يتمنى يفوز بحبها راح وطاها
لو بغت داست على قلبه ولاعاشت ذليله
أيه اجل من تنحني للذل والخوف رجاها
لابعد أكثر وصل فالبنت صارت تنحني له
كل شي صار فيها صار والسبه غباها
ماتركها بالعذاب تهيم لين اشفى غليله
يالله اللي خلق زمزم لهاجر من دعاها
تستجيب للي دعاك بالرضا في كل ليله
ربنا قلت في كتابك من سور يونس وطه
من شهد لك ربٍ فاز ومن عصى ياويل ويله
نشهد انك خالق الدنيا بيابسها وماها
كل شي سبح بحمدك وقال انك وكيله
ربنا من تشهد انك واحدٍ عجل هداها
دلها للخير وابعد عنها فعل الرذيله
واجعل القرآن حب شوق يسري في دماها
فايز اللي يترك الدنيا وقرآنك خليله
|
.gif)
رد: كان يتمنى يفوز بحبها راح وطاها