راى بمنامه انه ميت وقال قصيدته

السلام عليكم ورحمه الله وبركاته
قيل ان قائل هذه القصيده وهو نمر السحيمي توفي
بعد ان راى بمنامه انه حصل له حادث وراى انه
يغسل ويكفن ثم يصلى عليه فقام مذعورا فكتب هذه
القصيده واودعها في درج مكتبه ثم سبحان الله بعدها
بيومين توفي بحادث وعند تفتيش مكتبه وجودها فيه
رحمه الله رحمه واسعه
جاني وانا في وسط ربعـــي وناسي جاني نشلني مثل ماينشل الناس
مني نشل روح تشيل المآسي تشكي من أيــام الشقى تشكي الياس
اثر الالم في سكره الموت قاسي ماهالني مثله وانا انسان حساس
جابوا كفن ابيض مقاسه مقاســــي ولفوا به الجسم المحنط مع الراس
وشالوني اربع بالنعش ومتواسي عليه ومغطى على جسمي الباس
وصلوا علي وكلهم في مآسي ربعي ومعهم ناس من كل الاجناس
ياكيف سوا عقبنا تاج راسي وامي الحبيبه وش سوى بها الياس
اسمع صدى صوت يهز الرواسي قولوا لها لاتلطم الخد ياناس
قولوا لها حق وتجرعت كاسي لاتحترق كل يبي يتجـــرع الكـــاس
اصبحت في قبري ولا به مواسي واسمع قريع نعولهم يوم تنداس
من يوم قفوا حل موثق لباسي وعلى رد الروح صوت بالاجراس
هيكل غريب وقال ليه التناسي صوته رهيب وخلفه اثنين حراس
وقف وقال ان كنت يانمر ناسي هذي هي اعمالك تقدم بكراس
ومن هول ماشفته وقف شعر راسي وانهارت اعصابي ولاارد الانفاس
ياليتني فكرت قبل انغماسي بالغفله الي منتهاها للافلاس
وفزيت من نومي على صوت ناسي واصرخ واقول الموت واحذر الناس