يقول أحد الشبـــاب:-
قبل يومين صادفني موقف غريب جداً ..
كنت رايح البقاله .. واثناء ماانا داخل طلعت بنت وحسيت فيها شي غريب ! سآلت الهندي قلت لها وش تبي ؟ قال تبي ليموزين ! انا والله ماهتميت خذيت غرضي من البقاله وطلعت .. نآظرت فيها وقلت خلني اسوي خير وآجري عند الله ..
سلطآنـ : آختي بغيتي شي ؟
البنت : ايه بغيت ليموزين ابي اروح المستشفى وماعندي احد يوديني
سلطآنـ : والله ياختي الليموزينات مايجون هنا .. لكن انا بس اوصل سيارتي واجيب لك ليموزين ان شاءالله
البنت : الله يعطيك الف عافيه آنتظرك هنا
وفعلاً رجعت البيت وخذيت الموتر وطلعت ادور ليموزين .. لكن مالقيت ابداً .. الوقت كان تقريباً 9 ونص الصباح .. وهالحزه عندنا مافيه ليموزينات واجد ! ورجعت للبنيّه
سلطآنـ : والله ياختي مالقيت ليموزينات بالمرّهـ و ..
البنت ( قاطعتني ) وبعصبيه قالت : انا عارفه قصدك لكن ماراح اطلع معك ليه حرام عليك اعتبرني مثل اختك
انا هنا وربي عصبت لكن مسكت نفسي .. وآنقهرت من تفكيرهآ !!
سلطآنـ : يااختي وربي مالقيت ليموزين ابداً .. إنتي عارفه الوقت الحين صباح .. ومافيه ليموزينات كثير عندنا ..
البنت : قلت لك خلاص روح مابي منك شي حسبي الله عليك
سلطآنـ : اقسم لك باللي خلقك إني مافكرت باللي براسك .. وكان قصدي اسوي فيك خير لكن طلعتي ماتستاهلينه للآسف ..
إنتهى الحوآر ..
انا مدري لهالدرجه تفكير البنات يوصل !؟
ماراح اقول ليه تثق بالبنقالي راعي الليموزين ولا تثق بالسعودي !! لآني بتعب وانا اتكلم بهالموضوع . . .
لكن البنت اياً كان عمرهآ .. حتى في آمس حآجتها لآنها تروح لمشوآرهآ ليه تفكر بهالطريقه !؟
آوكي .. انا عارف إن الخوف يولّد السلامه .. لكن مو بكل الآحوآل !!
يعني مثلاً هـ البنت .. كانت تبي المستشفى والي يشوفها وربي بيحز بخآطره إنه يشوفها كذا .. ومن صباحية ربي وهي بالشمس تدور ليموزين !!
يعني معقوله راح افكر إني اضرها بشي ؟ لهالدرجه قلبي بيكون قاسي ومافكر بالعواقب !؟
الشباب وقت الشده .. وربي تنضرب فيهم الآمثال بالفزعات .. لكن مين يفهم !؟
انا ممكن إني ظلمت البنت يومها فكرت بهالطريقه .. يمكن يحق لها تفكر كذا !!
لكن بنفس الوقت انا دام نيتي طيبه عزتي ماتسمح لي ارضى إنها تنظر لي هالنظره !!
منقوووووول
والحيــــــن يا بنــات .. أبسألكم سؤال
لو كنتي مكآن هـ البنت وش راح يكون تفكيرك ؟ ووش راح تسوين ؟
وإنتوا يا شباب الراوي
لو كنت مكان (سلطــان).. وش راح تسوي !؟
ادخل وقول رايك بصراحه
