مين فينا الحمار!!!

دمعة حياه

يتفلسف الحمار و يخاطب إبن آدم و يقول:

عجبي عليك يا ابن آدم يا كبير الدار

قوّمت الدنيا و ما قعدتها لما قالولك حمار

شو يعني اسمي شتيمة و لا جنسي شي عار؟؟؟


خلقني ربي و خلقك و ما حدا بايدوا الاختيار

و أنا مهما زاد الحمل فوقي صابر على المشوار

لا بيوم أرفع عيني على جاري و بصون الجار

و لا بيوم بطلّع على رزق غيري و بطقّ منو و بغار

و لا مهر أدفع لحمارتي و لا خواتم و لا سوار

و لا شقة أجمع بحقها و لا أجهز دار

و لا حرمتي حامل تتوحم بدها كافيار ....

و لا بنت تخرج عن طوعي و تجيب لي العار

و لا ابن يدمن و يهلوس و يوقع و ينهار

عايش بحالي و متهني وليش بدي احتار

باكل و بشرب و أنهق و ما في عندي أسرار

و عندي ابن آدم يخدمني ليل و نهار

اذا جعت يشتري برسيمي بأغلى الأسعار

و اذا مرضت بيعالجني و يدعي الستار

خادم أمين من غير راتب و لا حتى أيجار

عرفت يا بني آدم مين فينا طلع الحمــــــــــــار

موضوع منقول لأنه رائع

تقبلوا سروري على مشاركاتكم...
دمعة حياه

لؤلؤة الخليج

دمعة حياه

اقتباس: المشاركة الأصلية كتبت بواسطة لؤلؤة الخليج    هلا دمعه حياه موضوعك غريب شوي...بس الانسان الله كرمه(وخلقنااااااا الانسان في احسن تقويم) ومما ذكر غباء الحمار فوصف اللذين لا يفهمون(كالحمار يحمر أسفارا) والحمار خلق للكد والشيل ويضرب بالعصاااا حتي يتحرك........................لاكن الله مميز الانسان بلعقل(وكرمناااااااااااا بني أدم) تحياتي لك لؤلؤة

مشكورة أختي على هذه المشاركة ولكن هذا الموضوع من باب المزاح لأني رأيت أن هذا القسم جدي وجامد ولا يوجد فيه ما يلطف الجو...
تقبلي سروري...دمعة حياه

الدمعة الحزينة

©{« مـ النقاش والحورات الجادة ــشرفة »}©

يسلموووووووووووووو على الموضوع الرائع والواقعي
وانا تعليقي من باب الجد مو من باب المزاح
هو صح الله خلق الأنسان بأحسن صورة وما في مجال لتشبه بين الأنسان والحمار ولكن لو ننظر للواقع هذا الحقيقة لحمار مرتاح أكثر بكثير بكثير من الأنسان
حتى لحمار صار أغلى من الأنسان
على قليله الحمار بلاقي مين يسأل عنه بس الأنسان ما بلاقي
الحمار لما بدك ياه تشتري بمصاري بس الأنسان صار ينباع بلاش
ارخص شي بدنيا الأنسان

وهذا رأي وبتمنى ان تتقبله

تقبل مروري
مع تحياتي الدمعة الحزينة

دمعة حياه

اقتباس: المشاركة الأصلية كتبت بواسطة الدمعة الحزينة    يسلموووووووووووووو على الموضوع الرائع والواقعي وانا تعليقي من باب الجد مو من باب المزاح هو صح الله خلق الأنسان بأحسن صورة وما في مجال لتشبه بين الأنسان والحمار ولكن لو ننظر للواقع هذا الحقيقة لحمار مرتاح أكثر بكثير بكثير من الأنسان حتى لحمار صار أغلى من الأنسان على قليله الحمار بلاقي مين يسأل عنه بس الأنسان ما بلاقي الحمار لما بدك ياه تشتري بمصاري بس الأنسان صار ينباع بلاش ارخص شي بدنيا الأنسان وهذا رأي وبتمنى ان تتقبله تقبل مروري مع تحياتي الدمعة الحزينة

بتشكرك كتير يا أخت الدمعة الحزينة وهذا ما تقولينه هو الحقيقة بعينا.
والأنسان أصبح أرخص شيء في هذا الزمن.
تقبلي سروري على تعليقك الرائع

الدمعة الحزينة

©{« مـ النقاش والحورات الجادة ــشرفة »}©

اقتباس: المشاركة الأصلية كتبت بواسطة دمعة حياه    بتشكرك كتير يا أخت الدمعة الحزينة وهذا ما تقولينه هو الحقيقة بعينا. والأنسان أصبح أرخص شيء في هذا الزمن. تقبلي سروري على تعليقك الرائع

لا شكر على واجب
بس خلص لهون وبكفي لازم نعيش الواقع ونحكيه بكفينا عيشه بالخيال والأحلام
بس للأسف واقعنا مرير مرير كل غش وانانية ما حد بحس بالتاني

بكفي بجد بكفي

دمعة حياه

اقتباس: المشاركة الأصلية كتبت بواسطة الدمعة الحزينة    لا شكر على واجب بس خلص لهون وبكفي لازم نعيش الواقع ونحكيه بكفينا عيشه بالخيال والأحلام بس للأسف واقعنا مرير مرير كل غش وانانية ما حد بحس بالتاني بكفي بجد بكفي

نعم وأنا بأيدك وبكفي خداع وأنانية وناس ما بتهمها إلا نفسها على حساب حياة ومستقبل غيرها.
بتشكرك كتي على التعليق الفعال وتقبلي سروري لمشاركتك...
دمعة حياه

دمعة حياه

][عذب المشاعر][

اشكرك على الموضوع00
وتقبل مروري00 وتحياتي00

the snake

مشكورة دمعة
واله موضوع حلو كتييير
تقبلي مروري واحتراماتي
the snake