أهداء الى فوق مستواه
اتمنى ان النص مايحذف
لاني راح اتقبل الرد باي شكل واي لون وبما ان هذا الشخص
جاني منه شي حز في نفسي اتمنى اشوف رده هنا
وبالنسبه للي يطالبوني باني ارسل خاص
انا اقول
بالعكس خل العالم تشوف وتقراء اذا انا غلطان يلوموني وماعندي مشاكل ابد
لكن الناس اللي تشتغل بالخاص وتخرجني للعالم بصوره ماهي لي
انا اقول لهم :
يقولون العــرب صدر الشمالي ما يضيق بســاع 00
وانا أقـــــول الصـــدور اليوم ما عادت شماليـــه
بدت في داخلي ضيقه عجزت ألقى لهـــا مطــلاع 00
تغيب وترجـــــع وترجـــــع تغيب وما لــها نيـــــه
عمتني كلــمة جتني وضقت وضــاق صدر القـاع 00
ألا يالله لا تجـــــزى غشــــيمٍ قـــالهـــــا فيّـــــــــه
لا هـــو صــفّاع يــا ربي ولا هــو للعــرب نــفّــاع 00
بلانـــــي وأبتــــلى حــــاله وبعض الناس مبليـــه
نهيته قبل ها المره يخـــلي سيرتي مــا طـــــــــاع 00
الا يا لعنبــــو جــــد القصــــيد ولعنبـــــــو بيّـــــــه
انا أشري لا بغيت أشري ولاني مســـاوم البيّـــاع 00
الى من قــــال لي ميّـــه عطيته فوقهـــــا ميّـــــــه
انا أكتب لأجل من يقرى ولا أرجي من يقول إبداع 00
وأبــــد لا تحســــب ان مثلك يشكّـــل لي أهميـــــه
تـــرى يا هـــيــه لامنّي نويتك بس أطــق إصبـــاع 00
يجـــيني ألف شيطـــان و وراهم ألـــف جنيّـــــــــه
أجرّك من طــرف حرفك وأرد الصــاع مية صـاع 00
جنـــون القـــاف أرقصـــها على راســـك هجـائيه
يـــا ويلــك لــو توليتك وربـــي مــا لك الشفّـــــاع 00
يجيـــك من القصــيد إحســب ثلاثميّـــه ثلاثميّــــه
ولكــــن خلّك بحـــالك مدام ان الصــدور وســـاع 00
تــــرى للحــــين ما ضـــاقت ولســـاتها شمــاليه
وارجع اقول اقبل الردود كيف ماتكون واتمنى من اخواني المراقبين مايحذفون الموضوع
اخـــــــــــوكم الموقوف عن الكتابه حاليا
البـــــــــــــــــــــــــــــدر
|
العرض العادي
