طبعاً وهي نايمة الدبدوبي والغزولي والأرنوبي كلهم في حظنها << يقال لها مشاعر فياضة >>
وإذا قامت من النوم ماتقوم الساعة الواحدة ظهراً (( حلوة بالعربي الفصيح )) لا واللي يصحيها كمان الخدامة .... تقومها بالانجليزي .... بس انا راح اترجم الكلام ....
يالله مرام قوم ماما في قول ... قوم عاد
((( يمديكم على الترجمة ))) هي تقول أوكي وتجي أمها وتصحيها مرة ثانية
يامرام حبيبتي اصحي .. ترد مرايم ..
ماما والله بدري الساعة 1 الظهر بدرررررررررررررررري << تدلع هي وخشتها >>
بعد كذا قامت البنت من السرير وفتحت الستارة والشبابيك ...
علشان الغرفة تتنفس ... ياااااااااااااااااااااي ... << أموت في الرقة >>
وشغلت موسيقى رومنسية علشان تروق بنت الحلال ...
وراحت تاخذ حمام محترم (( وانتوا بكرامة )) ...
وبعد ماتطلع من الحمام ورررررررررررر على المراية ...
تحط من هالكريمات والدعافيس على وجهها ...
تعرفون بنوتة لازم تحافظ على البشرة ...
خلصت من المراية وتتجه الآن إلى الاستشوار .. وش ... وش .. وش .. وش
لحووووووووووووووول ساعتين عز الله انها اندمرت هالشوشة ... خلصت منه
دقت البنطلون الجنز والبلوزة ...
ونزلت تحت تفطر على كاس عصير برتقال ... مسوية ريجييييييييييييييييييييييييم ...
نجي للعربجية << أموت أنا بالدفاشه >>
تقوم الساعة 8 الصبح وهي ما ودها تقوم ...
وجات أمها تصحيها .. يادليل قومي يامال الحمى ...
لحوووووووووووول زيييييييييييين زييييييييييييين << أهل الحارة يصحون معها >>
بس لو تشوفون شكلها وهي نايمه ...
كراع هنا وكراع هناك .. لا وكل ثلاث ساعات وهي طايحة من فوق السرير ...
بعد كذا يجي أخوها حميد (( اسمه محمد يدلعونه حميد )) ...
ويقومها من نومها مره ثانية ...
يااااااادليل تقول أمي قومي .. جعلك الموت << يكون في علمكم دعوة الأم مستجابة >>
ترد دليل .. اقول اطلع ولا صكيتك على جبهتك ...
ويجي مناحي أخوها الكبير .. دليل وجعععععععع
ويعطيها ذيك الرفسة اللي خلت عظامها تتهلهل >> عاش مشوووووت
وبعد تلك الرفسة العنيفة ...
فزت فزه ما يعلمها إلا الله ...
وقالها مناحي .. قومي صلحي الفطور ...
عشر دقايق الا وهو جاهز زيييييييييييين ...
شوفي ابي قرص وخبز مسح << يعني خبز على الحديدة >>
وقامت بعد جهد جهيد وعلى شتم ولعنت الحي والميت ...
حتى ولد عم جد أبوها ماسلم منها
نرجع للدلوعة
واااااااااااااااااااااااااااو >> انكسر ظفرها
هذي ما تتغدى الا الساعة 4 أو 5 العصر ...
لا ولا تتغدى الا على رز أبيض مسلوق وسلطة ...
تحافظ على رشاقتها << راعوها عاد >>
العربجية
تتغدى الساعة 1 بالضبط ولا تتغدى الا على كبسة ...
ما تخلص الا وكاس اللبن مراعي متولم عندها تشربه شربه وحده ...
يعني ما في كجال انها تتنفس ...
لا وتترع ذيك الترعة ...
آآآآآآآآآآآآآآآآآعععععع << طالعة من قلبها<<<مثل بعض الناس <<<وحده تتحرش
الناعمة
طلعتها تكون من بعد صلاة المغرب ...
ماتطلع في العصر ياااااااااااي تحافظ على بشرتها ...
العربجية
تطلع الساعة 2.30 القايلة وتدقها كعابي لبيت خوالها ...
ومن حرارة الشمس تنقلب خبز اسمر ...
الناعمة
تروح للراشد ولا مجمع الظهران .. وقبل ما تروح السوق
تمر على الكوفيره علشان تحط ميك آب ...
العربجية
تروح لسوق الثقبه ولا الدمام عشان تلقى العرابجة اللي مثلها ...
وطلعت هي وبنات خالاتها لسوق الدمام ...
عاد العربجية يمر من عندها واحد .. راكب جيب
فكس آآآآر موديل 2002 وداق شماغه كوبرا
وتقول يابنات تكفووووووووون شوفوا ياويلي ويلااااااااااااااه
وتقوم بنت الحلال وتقززززززززه قز ...
والرجال راح في خرايطها .. وعاد لا شافها تقزه
قال ياغزال ارحم حبيب في حبكم ذاب
الناعمة
اذا مر عليها واحد بدوي قالت وععععععععععععع الله يقرفك
اللي يشوفها يقول شايفة صرصور الله يعزكم ...
نعم وش تبي يالله هناك بلا قراااااااااافه >> ادعس يالرقيقة
العربجية
اذا مر عليها واحد لابس بلوزه ضيقه .. وجنز ضيق << باين انه منكتم من الضيق >>
وقالها ياحلو اعطيني وجه ...
قالت اقول احسن لك ضف وجهك لا يجيك شي ما يطيب خاطرك<<عصبت
قال ليش العصبيه هذي ...
قالت اقول والله لو ماتضفخشتك لا أتوطى في بطنك ...
علم جاك وتعداك .. <<<ياروووووحي تعجبيني
ترى مابي اغلط عليك<<خايف ومسوي نفسه مؤادب
لاني اشوفك مثل أختــــــــــــــي ...<<(اخلااااااااق الولد)والله من الخوف
الاغاني اللي تسمعها ( خلف بن هذال وحجاب بن نحيت وبشير شنان وعيسى الاحسائي )
ياروحي يالفن المغبر اللي تسمعه
الناعمه
لما تتفرج على التلفزيون تجلس على الكنب
وتحط رجل على رجل .. وتبتسم
لأن الابتسامة تضفي بشاشة على الوجه
العربجية
لا جات تناظر التلفزيون تشوف السعوديه الاولى والسعوديه الثانيه<<مع العلم انها انجليزيه يعني ماتفهم شي ..
وتجلس على الارض وتحط المركى وراها
والكراعين على التلفزيون .. اذا زهقت من القناة الاولى
دقت التلفزيون باصبع رجلها الكبير وحطت القناة الثانية ...
يوميات بنت دلوعة وبنت عربجية
