الجرٍيـــمة _حامـــدٍ زٍيــــــدٍ
يوم ثارت في جنونن من جنون الجاهليه
عاتبتني لين شبت في شراييني لهبها
واستفزتني وفزت وزعلت مني عليه
واستضاقت من كلامي يوم زعلني عتبها
من بعدها مابقالي في محانيها بقيه
استدلت دمع المحاجر للبكى وارخت هدبها
والله اني مانويت ابدي معاها بالخطيه
بس هي اللي تعدت حدها لحظة غضبها
يمكن اني كنت قاسي بالعتب معها شويه
كثر ما كانت تمنى راحتي واعشق تعبها
والله اني كنت اكابر بالعتب في حسن نيه
بس ابدري هو صحيح اني الوحيد اللي عجبها
جرحتني بالكلام وكبرت حيل القضيه
واخسرتبي كل عرق من شراييني كسبها
والا هي ماكان فيها من الموادع مقدريه
والجفا كانت تعافه بس مدري وش قلبها
ليتني مارحت اقايس قيمتي عند بدويه
رجعتلي كل عرق حبها او نهبها
علمتني كيف بانجح وانتصر وابقى ضحيه
وعلمتني كيف قلبي لو غلبها ماغلبها
وعلمتني كيف صدت عنفوان الأجوديه
ماتلوح للمقفي لو سلبها ما سلبه رابية بين القبايل والعرب واهل الحميه
عاقلة ماتبذل الانخله تعرف رطبها
ان تهادت ذكرتني في خفوق العامريه
وان تمادت تركب ابليس الرجيم وما ركبها
جبنها لا سلهمتبه ما يطيق السامريه
تسحبه برضاه عينه وان سهت عينه سحبها
وان حكت تعطي مكانه للحروف الابجديه
كن كلمتها تلفت للكلام اللي عقبها
والحروف اليا تعدت بالجفاه النرجسيه
كنها صارت قصيدة بس ربي ماكتبها
وش بوصف من حلاها وش بخلي للبريه
ما بها بالحسن عيبن واكشفت الا حجبها
شعرها فيه الخوي اللي تبرى مكن خويه
والشفا لو تشرب الماء واختلط فيها شربها
كن في ضمه شفاها جمرتين بنار حيه
كل من حس بدفاها واحترق صد وقربها
شفتها مثل الجريمه وابتليت ابها بليه
غلطه جيت اتحاشى ظلمها قلت ارتكبها
كل شي شفت فيها فيه نبرة جاذبيه
موهبه من فضل ربي واشهد ان الله وهبها
كلها لله بـ لله فاتنة هالآدميه
عاجبتني من بداية راسها لاسفل كعبها
لو تبادلني شعوري والهديه بالهديه
ما وفتني لو تبيع ثيابها واغلى ذهبها
هملتني والقلوب الجرهدية جرهديه
وحرمتني والمحبة نارها تاكل حطبها
والا انا ما كنت اكابر والليالي سرمدية
يمكن ان اللي غصبني للولع فيها غصبها
ياخفوقي ودي انك منت ما في حاجه وصيه
شف مكاني وتدري وين هي همت عربها
رحلها وان كان فيها قلب يطمح في مجيه
شف طلبها في عروقه وان حصل تمٍ طلبها
وانشده وان قال عنها عن هدر دمي بريه
قله ان اللي حصلي بالمحبه من سببها
واللي يقول اني تعمدت الزعل من اجل الأذيه
قله اني ماتحمل بالعتب قله ادبها
وان يقول ان انا كنت بادي بالخطيه
قل هي اللي تعدت حدها لحظت غضبها
اهداء الى اغلى حبيبة sh
|
رد: الجرٍيـــمة _حامـــدٍ زٍيــــــدٍ
العرض العادي
