قصائد _ حامدٍ زـــــــيدٍ

dr.yasser

ما تقبلت الفراق وما ليدي فيه حيله
آه لو ان الظروف المقبلة تكشف قدرها
لو يعرف الشخص مناوش مع الغيب بيجيله
كان جنبنا المشاكل من قبل ما يوقع ضررها
ماهقيت الليلة اللي جابت الفرقا طويلة
لين صارت ليلة امس بعيني اطول من شهرها
والعذاب اللي يذوب بعين من يفقد خليله
عندي اكبر من عذاب العين لو تفقد نظرها
والحبيب اللي صدوده مثل مذاته
جزيله صد عني واعرفه لو صد عن حاجه هجرها
كن روحي يوم حست في جفاه وصعب نيله
بشرتني بالضياع وشدت العزم بسفرها
ما رحمها من هلاك وما تقبلها دخيلك
تحتضر من قدام عينه لين ماتت من قهرها
عاد ليت اللي ذبحها وارهب الموت بوسيله
ما دفن وجه الضحية والسكاكين بنحرها
ليت قلبه يوم طاوع فعلته كمل جميله
لو غسلها من عروقه وبكفن صدره قبرها
من حفر بضلوع قلبه حفره تكفي قتيله
ليه ما يدفن قتيله بالضلوع اللي حفرها
اشتكيته للرفوف والبراويز الهزيله
وانذعرت من النياح اللي سمعته من صورها
رحت اسولف للجبال الصم عن قصة رحيله
ما تركت متون هلا ينحت الدم بصخرها
واحد حقق جماله كذب اساطي الف ليله
يسكن السبع البحور ويحبس الحور بدررها
اتذوب ابكبرياها ترتجف تحته ذليله
والورود اللي تقبل خطوته تنبت بثرها
والغصون البغاها تنثنيله تنثنيله
والفياض ان حب ينثر عطرها ذهرها
لو يصوت للغدير المنجرف جفف سبيله
وان تبسم للجبال الصامته نطق حجرها
كل حاجه تستويله لو بغاها تستويله
و نظر واستغفر الله لو بقول انه سحرها
ذاك لو بس يتمنى فاكهة شجره ظليله
بس يفتح راحة ايده ويتساقطله ثمرها
كن ربي سخرلها المعجزات المستحيله
واصبح اسطورة وكل الالسنة تنقل خبرها
هان محجر دم عيني لين جفف سلسبسله
والتفت لاخير دمعه قبلت يده ونثرها
دمعت كن بشقاها يوم طاحت في شلشله
جاد المجافى الدوين تطلب الستر وسترها
له علي ان ليا من طاح من عيني تشيله
ولي عليه ان يرجع لابتساماتي ثغرها
لو طعوني بالسكاكين بيده تشفي غليله
لشتريها من عذابي وادفع بدمي مهرها
واطلبه ينهال فيني طعن لين يطيح حيله
بس لا يترك عيوني تنحرم نعمة بصرها
له بعيني مثل ماللنفس الطهر بالنفس الاصيله
تقطع ايدين الردا لو مس شعره من شعرها
ما بغيته غير درد وان شتت اقدمي الدليله
مزنه ما بللتني واستحيت اطلب مطرها
والعطايا من ايدين الخلق للطالب قليله
والوهايب من ايدين الله للعبادة جل وارهى
وان نسيت اني زرعت العشق وحظوظي بخيله
ما نسيت ان العطايا تستحق اللي شكرها
صعب تلقى شخص وافي يجزي الطيب بمثيله
والعرب كد قالوا ان الناس ما خلت قشرها


اهداء الى اغلى حبيبة sh

dr.yasser

جا نهارن مارحمتني جيته وقدومه
شفت فيها الناس واجد واقفين قبالي
كنت احسب انها حقيقة والعرب ملمومة
قمت افضفض عن همومي واشتكي غربالي
ويوم زال الحزن عني وانجلى بغيومه
واثر اني ماغير اسولف بالخلاء بلحالي
من عذابي قمت اعزي قصة مرحومة
ولعت بيدين خلي وانطفت باهمالي
قصة لدت عيون صويحبي من نومه
يوم شلت الموت بيدي وابتلوا عذالي
ما قدرت اكسر غلاي وماقدرت ارومه
وعاذلي ما صد عني وما قوى من ذالي
ابتليته لين جتني خنجر مسمومة
وابتلاني لين جاب الاولي والتالي
والله انه ما عذلني لين شق هدومه
لين خانتني عزموي وانكسر تمثالي
ولا انا ماكنت ابين لو امطرت ديمومه
بالمدامع من فراق المخلصين امثالي
وكنت اوقف واتذكر نبحة اليشمومه
واذكر اني كنت غالي في عيون الغالي
واحد كانت نسايم سيرته بسمومه
وكان كل ماشاف ظلمي بالهوا يلجالي
وذاك والله كل مارسل في حشاي سهومه
انتهى ليل السكينة وابتدى زلزالي
والله اني كل ماسمع سيرته وعلومه
قمت اشوف الموت الاحمر واقف بظلالي
واشهد اني كل ماسهى وافتكر برسومه
وما وعيت الا انا ارمي غترتي وعقالي
ليت ربي يحتميه ويحرسه ويدومه
يومه اقرب من عروقي بالجسد بوصالي
وليتي يوم ماعرفته ماعرفت غصومه
وما وقعت بظلم ناس ما وراهم والي
يالعذول اللي حرمني حاجة مقسومه
ليه يحرمني قهوتي والدلال دلالي
وليه يسأل في غرامي وان بغيت اسومه
دام صار الجيب جيبي والريال ريالي
والله ان العشق شي يستحق القومه
واشهد ان عيون خلي تستحق افعالي
يكفي انه لا نظرني نظرة محشومه
يرتجف كفي ويوقع من يدي فنجالي
وان لمحت بطرف عينه دمعة مكتومه
جيت كلي من عذابي عالي متعالي
وان تبوسملي بعينه والشفا مظمومه
والله مدري وش بعدها يجرالي
ليت يوي قبل يومه او معاه بيومه
وليت حاله غير حالي دام هذا حالي
وان غفيت الليل جتني بالمنام حلومه
وان صحيت الصبح ناسي سيرته يطرالي
والله ليبطي وعيني تسهره وتقومه
والله ليبطي عذولي مايفك حبالي
دامني لازلت احبه واعشقه بهمومه
بذكره مع كل خطوه حللت رحالي
وبذكره مع كل ليله مظلمه مشؤومه
نزلتني في حشاه ورفعت منزالي
ومبكرة مع كل دمعة نوخت همومه
وحسستني من قدرتي غرامه عالي
وبذكره كل مانسيته وان ذكرت سلومه
قمت اشوف الناس واجد واقفين قبالي
وان حسبت انها حقيقة والعرب ملمومه
ماتحكمت بسكوتي لين طال جدالي
ويم زال الحزن عني وانجلى بغيومه
واثر اني لا زلت اسولف بالخلاء بلحالي





اهداء الى اغلى حبيبة sh

‏ولـيـف الـحـزن

قصيده جدآ رآئعه فديت حامد وتسلم يمينك على هالنقل