)-الاحزان-(
تأخذني الذكرى على طيب الأحزان
واكتم خفوق الشوق واخفي جروحي
على عشيرٍ غاب عني ولا بان
اللي ملكني بالملا وزاد نوحي
فراقه القى غربتي منه حرمان
ليت الأمل يشفع يحقق طموحي
اشكي غيابه كم انا صرت ولهان
لو اكتم الخافي عيوني تبوحي
عهدٍ مضى وياه لاشك له شان
ذكراه تبقى في خيالي تفوحي
بصبر وصبري ماجنا غير الأشجان
عسى مناة الروح يسمع ويوحي
مالي على حكم القدر أي سلطان
غصبٍ علي اقضي الليالي بروحي
رسمت دموع حرماني على صفحة آسى وهموم
دموعٍ حاربت عيني على الله كيف ابخفيها
دمعة شقى دمعة حزن ودمعة من حريب النوم
عيونٍ خاوت الدمعة عقب فرقى مخاويها
كتمت اللي قدرت وبان من بعض الذي مكتوم
فضحني دمعةٍ سالت وجدت ان الألم فيها
تعبت أبكي تعبت أشكي وأردد كلمة المحروم
تعبت ومنك يا دنيا تكفيني بلاويها
إلى مني بغيت أسلى وبنسى حبنا واصوم
وأقول النوم يهنالي ونار الحب نطفيها
ذكرت اللي شبيه البدر شكله بالعرب معدوم
يغارن منه بنات الجيل ألا سبحان مسويها
رضاه إنه يعنيني وأنا راضي على المقسوم
جعلها الله تعذبني وتراني ميتٍ فيها
قالت وداع وقلت خليك وجدان
خلي وداعك بالخفى لا يبيني
يومي عرفتك شفته الحب سلطان
وما ظنتي بعد الغلا تتركيني
كانك قويتي تنسي الوقت وازمان
وايام ذاك الشوق يا نور عيني
الله يعينه قلبي اللي معاك لان
مثل الحدد بنار حبك يليني
ترى الموادع بالعلن يحدث احزان
ومن المشاعر كلمة وافهميني
قربك يسليني ولو كان ما كان
وما فيه غير الحب بينك وبيني
وان قلت لي خسران مانيب خسران
اخسر وانا اشوفك براحت يديني
|
رد: )-الاحزان-(
العرض العادي
