ღ!!آ‘لهوآ‘ღ يفضحღالعآ‘ شقღمنღعيونه!!ღ
الوقت جاير ودمع العيـن فأحداقـي .،.
والقلب بعد الغضي زادت به طعونه.،.
يا وقت ويش الذي باقي بعد باقـي .،.
يكفي ظروف ٍ تصددني بهـا دونـه .،.
قيدتني وأنت ما أنته ناوي اطلاقـي .،.
عزي لحالي مـن الديـان واديونـه .،.
والجادل اللي بكى في حزة افراقـي.،.
قولوا له ان المشاعر فيه مسجونـه .،.
ادفن مشاعر هوى نفسي في اعماقي.،.
لكنّ ثارت عقب ماهيـب مدفونـه .،.
والله ما كنت ابيّنهـا لـه اوراقـي .،.
مير الهوى يفضح العاشق من اعيونه .،.
هو غاية القلب والاحساس و اشواقي .،.
وكل الأماني على ما قيل مجنونـه .،.
افداه كلي وقلبـي يشفـق اشفاقـي .،.
ويالله عسى تالي العربـان يفدونـه .،.
هافي حشا سالبن حالـي وخفاقـي .،.
يا ويل حالي ليا من مالت غصونـه .،.
يقفي يباسي ليا من صـار ترياقـي .،.
واعيش داله ليا هلـت لـي مزونـه.،.
والعاذل اللي نوى بعدي على احراقي .،.
قولوا له اليا هرج يهرج على هونـه .،.
اسمع ولكن على عهـدي وميثاقـي .،.
يعني علاقة هوى المجمول مضمونه .،.
ولو جار وقتي ودمع العين بأحداقي .،.
منساه لو الزمن زوّد بـي طعونـه .،.
|
