يازين يوم اني أنا وأنتي صغار ... تو ما لبست شماغ وأنتي عباية ......

سفير الحب 1980

يازين يوم اني انا وانتـي صغار
توما لبست شماغ وانتي عبــايه..


بالطول مانـــاصل ولا خمسة اشبار
دايم نقـــيس اطوالنا بالمرايــه..


مابيننـــا شيـــن نخبيــه واســـرار
ماغير لعب اطفال كل الحكايــه..


ماهمنا موجز ولا نشرة اخبــــار
التسليه صارت وسيله وغايــه..


وان جا فلم كرتون للقطو والفار
نجلس نتابع قصتــه للنهايـــه..


بالمدرسه نزعل على شان الاصفار
انتي سبب لعبك وانا من غبايـه..


ياما تهاوشنا على كيس فيشــار
انحاش به وافرح بطردك ورايه..


وان قلتي ياسفير ياويلك من النار
اخاف واستسلم وابين خطايـــه..


والى ضربتيني تقــل بيننــا ثــار
وان قلت كافي قلتي ماهو كفايه..


والى خلصتي ضرب بيمين ويسار
اخذتي الفيشار واللـي معايــه..


والى زعلت وقلت ابا اروح للدار
صحتي وقلتي اسفه يا غلايه..


واصدقك وافرح بعد ذيك الاعذار
واجيك لا حاقد والا احمل وشايه..


بس لو اشوفك مع بشر غيري اغار
لو كان اخوي أومن أعز اصدقايه..


واركض لخوك اقول شفها مع اكبار
عشان يفرض لي عليك الوصايه..


هــــذي طفولتـنا براءه وتذكـــار
دايم نحن اليا ذكرنا البدايــــه..


واليوم ابا اكتبها سواليف واشعار
وافكر انتجها بفـــلم وروايـــه..

ودمتم بصحه وعافيه



تحياتي للجميع سفير الحب

وليف السهر

{« مـ السفر والسياحة ـشرف »}©
©{« والنثر والخواطر »}©
-=¤§ مبدع المنتدى §¤=-

هلا بك سفير عساك بخير يالغالي

كلمات في غاية الرقه تعجبني تلك الفترة من طفولتي واتمنى على الله لو يعيدها لي او يعطيني بمن هو من صلبي لكي اجعله يعيشها بكل لحظاتها

وتقبل مروري بكل الحب المحب للعالم

وليف

مستشار الحب

مابيننـــا شيـــن نخبيــه واســـرار
ماغير لعب اطفال كل الحكايــه..


ماهمنا موجز ولا نشرة اخبــــار
التسليه صارت وسيله وغايــه..


وان جا فلم كرتون للقطو والفار
نجلس نتابع قصتــه للنهايـــه..

صح لسانك ياسفير والله على أيام الطفوله أيام جميلة وما ترجع
وعجبتني هذي الأبيات الجميله
وتسلم ربي يعطيك ألف عافية تقبل مروري وتحياتي المستشارروشكلك تحب تتفرج البسه والفار

سفير الحب 1980

يسلمووووووووووو مروركم

سفير الحب

ღ♥ عرش الخيال ♥ღ

©{« مـ قسم العام ــشرفة »}©