دفاشه

سفير الحب 1980

خذوك مني يا حبيبي بدفاشه
والدمع من عيني بإيديني امشه
عزت علينا الدنيا عمر البشاشه
وذاك النسر دمّر للعصفور عشه
كلما يجي لقلبي وقت انتعاشه
تجي امور من جنب بيتك تكشه
يا وردتي روحي تحوم كالفراشه
عليك ولك في داخل القلب فرشه
حب(ن) يجيك من غيري فيه الهشاشه
مثل البعير اللي كسر ظهره قشه
توه جديد ثم(ن) يجي له انكماشه
ويبدا يغشك وانت تبدا تغشه
وتذكر حناني وكيف لي انت حشاشه
في جوفي وانا المبتلش فيك بلشه
احبك حب الحب بان ارتعاشه
بداخل حنايا القلب يا احر رعشه
الماسه قلبي بعتها وخذت ماشه
وانا افتديك بس انت أشر برمشه
تشوفني في مرايتك وكل شاشه
عطرك انا ومايك انا بكل غرشه
جمر الغضى امسى لقلبي فراشه
وارجي من الله بالمطر يجيه رشه
وصاب العيون من فرقتك العماشه
والصبر مثلك في خفوقي اخشه
اسلوبهم الدس فيه والخشاشه
واسلوبي واضح ما تجيه المحشه
ما هو دوى لجرحي آيدين وشاشه
دواي انتي تاج قلبي وعرشه


تحياتي سفير الحب