عــــــذابـــــ قــلــبي
حاولت انسى عيونك وماقدرت
عذاب قلبي كل يوم بذكراك يزيد
حاولت اصبر على بعدك وماصبرت
حاولت انساك لكن شوقي كان عنيد
إلى متى عذابي لعيونك يساهرني
إلى متى اناظرك وانت عني بعيد
ياشوق قلبي لعيونك دوم يعاندني
كل مانسيتك نار قلبي تصبحلك وقيد
ادورك بـيـن الناس ياغـايبٍ عني
وانت بغيبتك عني ناري لك تزيد
مادريت ان غيبتك بالقلب تحرقني
ولايطـفـيها غير عيونك يارشـيد
عيونك اللي بالمحبة يازين يحرقوني
مادريت انك بقلبي اصبحت تسـيد
لو تدري بشوقي كان عنكم ماتبعدوني
لو تدري انك تسري مع حبل الوريد
ماتركتني لحظة اعيش فيها عذاب
ولا تركتني بين حطان الصمت وحيد
لو تـدري انك لي سيد الاحـباب
وان حبي لك ياارياش العين اصبح وكيد
هذا كلام قلبٍ واعذريني لو قصرت
هذه اشواقي قلتها وافعل بي ماتريد
حاولت اكتم الشوق بخفوقي وماقدرت
هذا كلام قلبي ياحب لعيونك وعيد
لو دارت بي الايام ترى ماانساك
لو نسيتني تبقى بقلبي الحب العتيد
وابذكر عيونك واترنم بيوم على لقياك
اذكر العيون اللي الدنيا بعدها وش تفيد
|
العرض العادي
