أنا بطلب ايدك ممكن
.
.
.
.
.
.
.
.
.
.
.
.
.
.
.
موضوعي ذا فيه الكثير من الصراحه واللي يمكن تفاجأ البعض ويمكن تزعل البعض بعد لكن يالغالين مثل ماعودتكم على الصراحة ان شاء الله اكون عند حسن ظن الجميع ولا تحرمونا من ارائكم وافكاركم الله لايحرمني منكم ولكم كل الحب
بصراحة ملاحظ بناتنا يكثرون هرج على ان الشباب مايبون الزواج والكلام ذا غير صحيح يعني معقول اخسر 100 الف عشان اتزوج مو انا وزوجتي اولى بالفلوس هاذي نسافر فيها ونلف العالم لف ونستمتع بحياتنا افضل من اني اكون مديون وانحرم من سعادتي عشان اجيب لي حرمه بالبيت اناظر فيها وتناظر فيني والهم في عيونا آسف على صراحتي لكن هذا الواقع
وبالنسبة ان المرآة تحب الرجال اللي "بوكه" مليان فهذي كثروا منها لان الناس مستويات في منهم اللي دخله عالي واللي دخله قليل وعادة الرجل يتزوج من نفس طبقته اما اني اتزوج من بنت فقيرة وانا غني او العكس واتوقع اني بقاسم الطرف الثاني بحلال اهله عشان انا استمتع على كذا صرت انا اناني
بالنسبة للشباب بيتقطعون عالزواج لكن مثل ماقلت لكم من اول الخساير الزايده مانبيها واذا على الشهوة ممكن انا نسافر ونتزوج من احلا البنات ولا يقولون ثلث الثلاثه كام واذا رجع طلقوا وللاسف هذا اللي حاصل وعلى فكرة الكلام ذا مب من عندي لكن والله ذا اللي قاعد يصير  وطاش ماطاش ماخلا شي الا وجابه حسبنا الله عليهم صح ياشباب كلامي ذا للبنات اذا فعلاً تبون الشباب يتقدمون اقنعوا آباكم يقللون المهر في سبيل سعادتكم وسعادتنا وبتشوفون وشلون تترتفع نسبة الزواج بدل ماهي قاعدة تزيد نسبة العنوسة والله شي يقهر بنات مثل الورد قاعدين في البيوت والايام تمشي والهموم تزيد والشباب المساكين بعد مهم عارفين يضبطون امورهم المشكلة مب مجرد زواج بل بيت واطفال ومسئولية ومصاريف والواحد منا يبي زوجته وعياله اذا الله رزقه يعيشون احلا عيشه ولا يقصر عليهم بشي وان كان فيه شي انحرم منه وهو طفل مايبي ينحرمون منه بعد عياله
نلاحظ هالايام وشلون تصرفات الشباب والبنات بالاماكن العامة ونجي ونلومهم كأنا ملائكة ونكتب السطور اللي تقطع القلب مانحس باللي قاعد يصير حوالينا ياأحبابي ارجوكم خلوكم اكثر واقعية ولا نقعد نعد اغلاط الناس وننسى اغلاطنا اذا كنا نبي نكون منصفين وحقانين
في النهاية اتمنى ماأكون اطلت عليكم واتمنى بعد تكون الصورة اكثر وضوح عند الجميع عشان مايجي اي طرف يلوم الطرف الثاني على اشياء هو اصلن ماله ايد فيها فديتكم حبايبي
مع اخلص تحياتي المحب لكم ولعالمكم
آخر تعديل وليف السهر يوم 22-7-1429هـ في 11:57 مساء.
|
.gif)
