@لا يــابــعــد عــيــنــي ويــا نــور عـــيــنـــي@بقلمي
السلام عليكم
مساء الخير
اسمحووو لي بهالمتواضعه
عسى ان تشفع لي عن غيابي عنكم
البارحة يوم العرب نايميني
نار الهوى في ضامري تضرم اضرام
ونيت ونّت من صوابه مكيني
يوم اونسه كظم على راس الإبهام
واصبحت في حكم الاسير السجيني
أشعر ولا اشعر بين تشكيك واوهام
في خافقي شوقن تمكن دفيني
ما ظنتي يبرا ولو طافت اعوام
باسباب من هو بالجفا مبتليني
واصدر بحكمه في جنابي بالاعدام
نشبت لي في غادةٍ ما تبيني
وصارت علاقتنا كوابيس واحلام
قالت عسى المولى يكرهك فيني
من شان تنساني على مر الأيام
ما تدري اني في هواها رهيني
أسهر طوال الليل والناس نيام
لا يا بعد عيني ويا نور عيني
داري مشاعرنا ترى القلب منضام
وعمّا بدر في ما مضى سامحيني
لعلها تغفر ذنوبي والآثام
وسلامتكم
|
