لا ردك الله لا ولا اطلب تردين
ادعي عليك بعثرة فـي صلاتـي
عثرة تشلك ما بعدها تقوميـن
يا قاتلتني يوم صرتي حياتــي
خدين لك بالقلب كانت بساتين
وريضان وغصونن بها يا نعاتي
كنتي مناة القلب والروح والعين
واليوم عينك يا علها ما تباتـي
كنت أحسبك للعهد والحب توفين
قلتي الغدر بالحب ماهي بسواتي
وحلفتي يمين الله ما منك اثنتين
وانك ملاك دون كل البناتـــي
وانك على عهد المودة تسيرين
ولا تسمعين أهل الحسد والوشاتي
وصار اليمين ستار خلفه توارين
ورماح غدرك بالخفا مشرعاتـي
وبان الغدر سم جرى بالشرايين
الله عسى يسقيك سم الفعاتـــي
كلي سقيتك حب واليوم تنسيـن
تقولين حلم أيام واليوم فاتـــي
خذتي الهوى لعبه على ما تحبين
لين عصفت بالهوى عاصفاتـي
من زينك يا بنت بالشعر تزيين
من صورك بأبياته الطايلاتــي
أنا من غرامي قلت كانك تذكرين
قلت الخجل صاب البدر من مناتي
وصرتي بشعري في العذارى تباهين
تقولين أنا شمس العصر في حلاتي
زينتك بشعري ولا غر بك الزين
ما زانتك صبغات حمر الشفاتــي
صورتك بالشعر حزام ورياحين
واثرك هضاب وشوك ما به هداتي
رسمتك سحابه خير قطر تنفين
فزت لك الصحراء زهور ونباتـي
رسمتك مهاة للجميلة تقودين
واثرك قطيعة وضيعتها الرعاتي
واثرك غراب يوم سدل الجناحين
كنت احسب إني شايف لي قطاتي
بالشعر أغليتك على كل غاليين
وأثرك دنيه وتعشقين الدناتــي
وبالشعر عاتبتك عتاب المحبين
أنا من يسوم الروح لك يا غناتي
توسلت لك خايف على حب عامين
عامين لكن في حسابي مئاتــي
ناديت لكن لي ابد ما تسمعين
عمري وروحي فكري في ثباتـي
حذراك للشينات عمري تماشين
عديمات اصل اخلاقهن دانياتي
غاب الولي عنهن ولعبن بحبلين
يا خس واليهن وخس الولاتي
ما همهن في الناس زين ولا شين
وقلوبهن من حقدهن مظلماتي
وقلتي وربك لو يكونن ملايين
ما غيرن باطباعهن من سماتي
تحسبين انك بالمهافه ترقين
كيف الصعود يكون للهاوياتي
وخنتي وبعتي كل عهد وايامين
ما عاد يفرق بين ماضي وآتي
وصرتي مثل غيرك برخص تبيعين
يا مرخصتني ما بقى لك غلاتي
صبري نفذ واليوم ثارت براكين
مظلوم أنا وباكر تحل ادعواتي
سمعي عسى من بعدها ما iiتسمعين
سمعي دعا من صار قلبه حصاتي
ادعي عسى من ناضرك ما تشوفين
وتطحن بك الأيام طحن الرحاتي
وعساك عوق منه ما عاد تبرين
عوق تشافق له قلوب العداتي
ويالله عسى يحتار فيك المداوين
تبين الممات ولا يجيك المماتي
ويالله عسى كف الندامه تعضين
تندمين يوم انه يفوت الفواتي
وتبكين دم يسيل من مقلة العين
وتحتار أمك عن عناك وتحاتي
عسى ما تلاقي من له القلب تهدين
وان هو حصل ادعي عساك الشتاتي
يا بلوة اللي وسط بيته تعيشين
ساهي وحوله شب جمر الغضاتي
عسى بعمرك ساعة ما تهنين
وتمضي حياتك بين هم وشقاتي
يا بنت قلبي وين مثله تلاقين
قلب عطاك الحب ما قال هاتي
جيتك وروحي شلتها لك بكفين
وفي التالية رمح الخيانة جزاتي
يا لله عساك النار يا أم وجهين
كله انكشف لا ما تفيد العباتي
ويا لله عسى تلبسك جن وشياطين
وتكونين مدعاة الحكي والشماتي
يا حية رقطا تقود الثعابين
باكر تحن أيامك المعتماتي
وباكر على فعلك بمثله تجازين
ظلم المشاعر ما تحكمه قضاتي
بيني وبينك تحكم أيام وسنين
وأنا شاهدي قلب من الغدر ماتي
ويا دمعة التمساح لا لا تذرفين
العيون رغم ادموعها كاذباتي
لا ما عرفتي الحب لا ما تحسين
وغدرك تعدى غدر ذيب الفلاتي
الذيب يعوي قبل يغدر بمسكين
وأنتي غدرتي خافقي في سباتي
لو كان غدرك في كف الموازين
لكان رجح كل غدر البناتي
أنتي السبب سقتي على القلب جرحين
غدر الغرام وموجع الذكرياتي
وأنتي السبب واليوم لا لا تلومين
وان جاك باكر شوفي اشلون يأتي
والله لأكتب وأفضحك في دواوين
وارقص واغني يوم خبر الوفاتي
وارسم لأهل العشق قلب وسهمين
وقصة خيانة ما روتها الرواتي
ويمين لأنشر فوق اسمك عناوين
وأشهرك من قاصي اليمن للفراتي
ومن غرب هالدنيا إلى قاصي الصين
ديوان غدر فيه كل اللـغاتي
والبادي اظلم سنة العين بالعين
وألا فذي لا عادتي ولاهي بصفاتي
ويا شبه إنسانه برأس ورجلين
أعوذ بالرحمن منك بصلاتي
وسلامتكم أدري أنكم تأثرتوا وصحتوا لكن ما عليه خيرها في غيرها
قصيده قويه في الخيانه
