//..~//....صغيـره وأبـتـديـتـي تحـبـيـن....//~//
تـوك صغيـره وأبـتـديـتـي تحـبـيـن
من علمك لـيـل السهر ياصــغيـره ؟
بدري عـلـيـك العشق يابنت هـاللحـين
حـرام هـذا القـلب وشــهــو مصيـره ؟
أنـتي بريئه في الهوا ليه تـشـقـيـن ؟
دروبه طـــوال ٍ عــليـك وعــسيـره
رحتي بـدرب ٍ ماله أصلا ً عـناويـن
وأنتي مشاويرك من أول قصيـر ه
ياطـفـلة ٍ حـبّت وراحـت على وين ؟
عقب الهنا ذقـتي الحيـاه المريـره
وينك ووين الحب والشوق والبين ؟
عنّيتي عيونك وصرتـي سهيـره
أمحق تسلّـي كـان ودّك تسلّيـن
الورد لولا اللون وشهو عبيـره ؟
خلّيتي دروسك وصرتـي تحاتيـن
الدرس في ديره وصرتـي بديـره
وصرتي بعد من غير هذا تغارين
والمشكله يابنـت منتـي خبيـره
نصيحتي لـك كـان ودّك ترديـن
يـم السعـاده والحيـاه المثيـره
خلّـك بجـو العايلـه لا تعدّيـن
ماما وبابـا والعجـوز الضريـره
شيبانك اللي مـا يبونـك تعانيـن
من بينهم عشتـي كأنّـك اميـره
الحب قبلك هـز نـاس ٍ كثيريـن
خلاّ القلوب تعيـش هـم ٍ وحيـره
الحب يفضح لا انكشف داخل العين
وأنتي بنفسـك ماهقيتـك بصيـره
طيعي كلامي واحذري لا تماديـن
تراجعي لاعل في الأمـر خيـره
عيشي الطفوله والبراءه لك سنيـن
وبعدين حبـي لا غديتـي كبيـره
{{{{منقووووول}}}
|
؟؟؟؟؟؟؟؟؟؟؟؟
