خســــيتي واقلبـــــــي وجـــــــهك ؛ ولا كلمـــــــــــه ؛ ولاجــــــــابـه
اهداء الى اي واحد خانته حبيبته
ِخسيتـ لعنــبو جــدك ؛ خسيتـــ والغلــــط ينعـــاب
خسيتـــ واقلبـــ وجـــهك ؛ ولا كلمـــــه ؛ ولااجابـــــه..
خســـيت والزمــ حـدك ؛ تراهـا ضاعـــت الاداب
انــا لاطاشـــت جنونـــي ؛ يعــــرف الجــاهـل ادابـــه..
وش الـمغزا من الكلمــه بلا داعــي بـــلا الاسبـــاب
وهــرج الـــكذب والتجريــح ؛ قلي وش اسبابــه...
انا الشــرهه علــي انــي فتحــت لخافقـــي كـم بـــاب
ولـــكن مثل ماجيتـــ !!! ترا كبــــر الجمــــل بابــــه..
خــذ نفــسك مــعك بـرع؛ ثم انقلــع بــــدون إيـــاب
فمـــان الــلــه ؛ والا اقـــول :: فمــــان ابـــليس واصـــحابـه..
تحسبـني علــى فرقـــاك ابنــدم واغـــرق الاهـــداب
انــا مبســــوط يـــوم انـــي ؛؛ طــردت الشــوم وغرابـــه..
انــا ما اعاشـر الخــــاين ولا اسمــع هرجــــه الكـــذاب
ومــثلك قيمـــته عنـــدي تحـــت الزيـــر و حســابـه..
وانــــا مانيـــب حـــرف الـــجر ؛؛ تجرهـ علــى الاعــراب
انـــا حـرف(ن) جــزم نفســـه ؛ ومثلــي يصــعب اعــرابه..
تشـــوم النفــس عن زيـــنك عقــب مـــاطاح فيــها ذبـــاب
وانـــا حــر(ن) ولـــد حر ؛؛ تركـــت الزيــــن وذبابــــه
انــا شــيخ(ن) ولد شــيخ ؛ بذكــره تنعـــــم الانســـــاب.
اليــــا قام العــرب كــــلاً ؛؛ يراجـــع دفتـــر انســـابـه
ولد شيخ(ن) وسـ،ـــط ربــعه له بـــين الرجـــال حســـاب
اليـــا ضــــاقت به الاريــــاء ؛ يـــهز الارض مشعابــــــه
ترى بــدري على مـــثلك تعــــيب وساسهـــا معيـــاب
ياليــــت اللي يعيبنــــي ؛؛ يحـــــاول يستـــر اثيابــــه
انــا لاجتـــني الزلـــه ؛ من الجاهــــل وهـو كــــذاب.
تـــركت القــــافله تمشـــــي ؛؛ وراهــــا تنبـــح كلابــه
وانـــا ليـــا مـــن كشــــف ان الخــــوي اصـــبح لسانــــه داب
. نـــزعت الســم من عرقــه وكــــسرت بمخلبــــي نابــــه
خـــلاص الـــيوم يافلانـــــه ؛ كــــرهتك والقلـــــوب اغــــــراب
وتــــــــرى كل طير(ن) بكــــــبد السمـــــاء يشــــبع بمـــــخلابـه
خســـاره مــــثلك بقلبــــي تضمّـــه غرفــــة الاحـــبـاب
وخســـــــاره غلــــــطة الــــــعاشق ؛ يحـــــــطـك اول احبابـــــه
بـــــعد هذا تبيــــن ارجــــــع لاجل عيـــــنك نصــــير اصحــــاب
خســــيتي واقلبـــــــي وجـــــــهك ؛ ولا كلمـــــــــــه ؛ ولاجــــــــابـه
منقوووووووووووووووووووووووووووووول
|
