حسافه عام كامل ضاع لي في حب خوانـه
لك الله عام كامل شايلك فالقلـب ياخـوان
حسافه عام كامل ضاع لي في حب خوانـه
انا وش جابني يمك انا استاهل وانا الغلطان
ياليت من البدايه كل واحد راح فـي شانـه
خساره حبنا . قصدي خساره حبي اللي كان
وفيت ولكن انتـي مابقلبـك للوفـا خانـه
تعودتي على جمع القلوب وكثـرة الخـلان
تعودتي علـى تمثيـل دور الحـب واتقانـه
شهادة شكر تستاهل على اسلوبـك الفنـان
تصنعت الوله والشوق وانت البوق عنوانـه
وانا جيتك يسابقني على وصلك غلا واشجان
وسلمتك مفاتيـح الضميـر وكـل بيبانـه
تفضل دوك قلب اللي لعينك طـوع القيفـان
ولافكـر يخونـك لا . ولا خانتـك قيفانـه
تربعتي على قلبه وصرتي فـارس الميـدان
وصرتي كل نبضاته . وصرتي دم شريانـه
سكنتي . ماسكنتي غير في موطن بلا سكان
هنا بين الضلوع العوج .. صرتي كل سكانه
عطيتك حب والله ماعطيته قبلك أي انسـان
ولا حبك كثر حبـي اخـو ايحـب اخوانـه
ولا حبك مثل حبي . لوضحا نمر بن عدوان
وخليتي دموع اللي يحبـك تحـرق اوجانـه
خساره يوم حبيتك انا استاهل وانا الغلطـان
وفيت ولكن انتـي مابقلبـك للوفـا خانـه
نهاية حبي اللي كان قصة طير بن برمـان
نهاية عام كامل ضاع لي في حـب خوانـه
على مرسى فراق وبعد يرسي قارب الربان
على جال الوداعيه وكل انسان فـي شانـه
اعجبتني جدا
خواطر..
|
