حبيبي جيت اب اشكيلك

أتمنى أن تنال إعجابكم



حبيبي جيت ابشكيلك اخذ عمـري وريحنـي
.. ابحكيلك عن اوضاعي وابيك اليوم تسمعهـا ..

.. أبي من وقتك الغالي ولو لحظـه وتسمعنـي ..
.. إنا جيتك بعد ما ضاقت الدنيـا مـن اربعهـا ..

.. جلسـت البـارح ألحالـي لأنـك ماتكلمنـي ..
.. وأشوف اهموم هالعالم تجي عندي واجمعهـا ..

.. حبيبي اعتذر مره وقول أرجوك سامحنـي ..
.. وانأ مثلك بعـد آسف وهالزعلـه نضيعهـا ..

.. ترى مالي احد غيرك إذا انـت بتخاصمنـي ..
.. تطيح الدمعه من عيني ويجري غصب مدمعها ..

.. طلبتك لملم أشواقي كفـا البـارح تبعثرنـي ..
.. قسم بالله بس تزعل أحس الـروح أودعها ..

.. حرام العمر يسرقنا حبيبي أرجوك تفهمنـي ..
.. تعب صوتي اناديلك أبي روحـي ترجعهـا ..

.. دخيـل اعيونـك الحلوة تبسـم لا تجننـي ..
.. ترى روحي من البارح وهي تنقل مواجعهـا ..

.. زعلت وجيت ابشكيلك بعد عمري تصدقنـي ..
.. كرهت الارض فغيابك مـن أولها لسابعهـا ..

.. بعد هالعمر والعشره حبيبـي ليـه تسألنـي ..
.. احبك ؟ ايه احبك .. وخل النـاس تسمعهـا