16-2-1429هـ, 04:32 مساء
|
رقم المشاركة : 1
|
|
|
المساحه الشعريه مابين ياسر التويجري والسامر
السلام عليكم
من منا لا يعرف الامير السامر واعز الشعراء
إلى قلبه الشاعر ياسر التويجري ...
حصلت بينهما مساجلات كثيرررة لكن اعجبتني
مساجلة وحبيت اطرحها لكم ...
الشـاعـر يـاســر التـويـجـري
**
ذكرتنـي يـا وجـه نجـد وعلاويـه ,,بيـتٍ كتبـتـه فاللـيـال الخـوالـي
واليـوم قلبـي فـوق قبـة مراكيـه ,,الشـكـوى لله لكعـتـه اللـيـالـي
ومن لاتكى مـن قبـل رجليـه بيديـه ,,والله مـا يرقـى علـى ايـات عالـي
رد السامر على الشاعر ياسر التويجري
**
أول زمانـك مـا يجـي مثـل تاليـه ,,شـرع الليالـي بيـن مـر ٍ وحالـي
لا شفت منهـو بايـن ٍ الخلـل فيـه ,,خلـه يـروح وقاطـعـه لا تبـالـي
لا تلحق اللـي مـا يـودك مشاريـه ,,لاوثق حزامـك فـي مقاضيـب غالـي
الشـاعـر يـاســر التـويـجـري
**
العشـق عـدٍ كـدر الحـظ صافـيـه ,,وحلفـت مـا تنتـل دلـوه حبـالـي
واللـي يقفـي مـا تتبـع خطـاويـه ,,شـم الأنـوف تعيبنـي والرجـالـي
والمقبل اللـي حطنـي مـن هقاويـه ,,يقـدع مسافيطـي ويشـرب دلالــي
رد السامر على الشاعر ياسر التويجري
**
خـل شرانـي طـول الايـام شاريـه ,,تطيب من طيبه علـى الطـول حالـي
الحـب جـرح ٍ مـا تبيـن سطاويـه ,,إلا بقلـبٍ مـن هـوى العـام خالـي
ما طاح شفي دون شيـن وانـا ابيـه ,,وفقـه مـن العالـي عزيـز الجلالـي
الشـاعـر يـاســر التـويـجـري
**
تستاهـل اللـي مالـه أحـدٍ يحاليـه ,,اللـي لعـب بأهـل العقـول الثقالـي
شاعر وأبوك سعود وأوضاعك أوكيـه ,,ولا حسدتـك شـي يـا راس مـالـي
الجرح ما هو جـرح قلبـي واداويـه ,,الجـرح لا قصّـرت باللـي عنـالـي
رد السامر على الشاعر ياسر التويجري
**
بحر الغلا لـك فـي فـؤادي موانيـه ,,يرسى بها وصلـك علـى كـل حالـي
ما غير أدلل شـوق وصلـك وراعيـه ,,عليـك منـك وفيـك كثـر اشتغالـي
أفخم مساكـن مهجتـي ساكـن ٍ فيـه ,,شيّخـت نفسـك بالوفـاء والـدلالـي
الشـاعـر يـاســر التـويـجـري
**
الطيـب بالطيـب يقـنّّـه ويقنـيـه ,,وخذنـي أنـا علـى سبيـل المثالـي
طيبك فعل بـي شـي ماقـدر أجازيـه ,,حسبي علـى طيبـك وويلـي لحالـي
رد السامر على الشاعر ياسر التويجري
**
الشرع ما يعرض على غيـر قاضيـه ,,ودعـوى بـلا حجـه سـرابٍ يلالـي
الطيب يظهر لو على النـاس تخفيـه ,,أردهــا مــن واحــدٍ ردهـالـي
|
|
|
|
