يشهد الله مانسيتك آآآه يايمه

مخلصه بحبي

يشهد الله ما نسيتك يا بعد وجد الكتابه
من رحلتي وش تغير والألم عاده يهلي!

ااااااه يا يمه فديتك ماني من عهد الصحابه
واحتسب موتك مصيبه واطلبه بس يغفر لي

قلبي الفاقد وجودك لو تشوفينه خرابه
عافته حتى المصايب والجروح اللي بكلي

ما لقيت اللي تواسي دمعتي عند الكأأأأبه
ولا عرفت اللي دعاها يرتفع يومٍ تصلي

ابكي ودمعي بخدي والعقل فاقد صوابه
لا ذكر قلبي كلامك وانتي لشعري تفلي

تذكري يومك تقولي "انتبه حولك ذيابه!"
واحترس منهم غناتي والقدم لا لا تزلي

شفتهم واللي خلقني حكيهم " يا مرحبا به "
من قريب ومن قريبه ومن خوي عايش بظلي

ليه واحدهم يا يمه لا زعل كشر بنابه
واسمعه يطعن في ظهري " ينقلع خله يولي "

حاجته لك يا كبرها ليتك تشوفي مصابه
مفتقد يمه حنانك والكلام اللي يسلي

ليتني عندك بقبرك واحضنك واحضن ترابه!
واطلبك ما تتركيني للبشر تفرح بذلي

ليتني ميت بموتك ويتهنون بغيابه
قلبي اللي لا عطاهم ما لقى شيٍ يخلي

همهم بس يجرحونه ويتغنون بعذابه
ولجلهم اعفو واسامح ما كأنه شي حصلي

كلها باسم المحبه والصداقه والقرابه
والزمن يمكن يغير طبعهم عل ولعلي

دامها دنيا رخيصه حجمها دون الذبابه
ليه اساوم في ثمنها وارفع السعر واغلي

كنت اسميهم قصيدي لا ويعزفوني ربابه!
وكنت احاتيهم وادور اي سبب حق التغلي

كنت امازحهم بلطفي ويتهزون بغرابه
ويرموا الشوك بطريقي والمنى ارحل واجلي

غلطتي امشي بنيه والغلط هذا عقابه
ما دريت ان الصراحه تجعل الصادق يدلي

هامته عقب المعالي لو بها الموت وصعابه
والصدق عندي معاني تنكتب باعلى سجلي

اه يا يمه خذيني من على متن السحابه
عندي احساس بمجيئك وانتظر هذا محلي

ويشهد الله ما نسيتك يا بعد وجد الكتابه
من رحلتي وش تغير!!
من رحلتي وش تغير!!
من رحلتي وش تغير!!
من رحلتي وش تغير!!
من رحلتي وش تغير!!


والحزن
عاده يهلي

والألم
عاده يهلي

والقهر
عاده يهلي

************************************************** *****
يا بخت من كانت امه عايشه وتشوف عيده
كيف بلقى من اعايد وامي عن عيني بعيده
اه من جرحٍ اشوفه ينزف جروحٍ جديده
راحت اللي في حجرها باتت جفوني سعيده

راحت وخلت ضناها يطلب العالم طلايب
لا تشوف عيون خالد دمعة الأم المجيده

من يبكيها تراني اعتلي ظهر النشايب
ومن يعاملها بطيبه اشكره وابوس ايده

جنة الفردوس تنطق من بغى فيكم هبايب
تحت اقدام الأمومه يلقى كل نسمه تريده

أمك وأمك وأمك قالها وبالحق صايب
من نزل فينا رساله صاحب الرميه السديده

اه لو نعرف جزاها كان هبينا كتايب
ذا يقبل مقلتيها وذا يحنيها بوريده

وذا يعبر عن شعوره يا بعد كل القرايب
انتي شمعه في حياتي ان طفت ظلمه اكيده

وذا يناديها يا يمه اطلبي رب السحايب
يحفظك لابنك حبيبك بعدك البسمه فقيده

وذا يمازحها وصادق والله ملعون الصلايب
من تكوني في حياته ويحرم الجنه الأكيده

وذا يتفداها بعمره يرخصه وماهو بتايب
لو يموت الفين مره تعتبر روحه شهيده

وذا دموعه في مرضها اربع وأربع سكايب
ساهر الليل ودعائه اشفها ربي وبيده

اشهد ان الأم دره ف يبحر كله غرايب
ليت من يعرف قدرها يحفظ الدره الفريده


تعرفون جيدا معنى ان النسيان نعمه
ولكن كيف
والعيد يأتي من غير ان اقول
" كل عام وانتي بخير يا يمه"
عيدك مبارك يا الغاليه "

نعم هناك نعمه
ولكنها للأسف ليست نعمه النسيان
ولكنها نعمة الأم
نعمه لا يحس بها الا من فقدها

لو اردت ان اكتب عن الام لملات جميع صفحات المنتدياات بكلام لايصل او لايعبر عن ذرة لما لامي في قلبي

حروف من الروح

صادقه اختي مخلصه الأم نعمه ما يحس فيها بعض الناس لا لما يفقدها
ومهما كتبنا عن الأم ما نوفي
تسلم يمناج وصح لسانج يالغاليه
اختك
دمعه العاشقين

"خواطر فتاة"

©{« مـ الحب العام ــشرفة »}©
©{« والنثر والخواطر »}

حـروف الحـب

ミ♥ملك الرومنسيهミ♥

©{« مشرف الألعاب,والأنمي »}©
©{« والمسابقات,وعالم المسنجر »}©
-=¤§ ملكـ المنتدى §¤=-
(ملك قلوب الملايين)

صح لساااااااااااااااانك
وانتظر جديدك
وتقبلي مروري
اخوكي
ذبحهم