هاي ياحلوين وش اخباركم تمام
انا حبيت اكمل وش كنا نسوي بالغرفه بناء على رغبات الشله
قبل ماتتحاش شوشو وخلود يفصلون تلفون البيت وانا وهنا مانفصله لان اهالينا موظفين مافي احد في البيت الا الشغالات وانا اقول لها اذا دقت المدرسه وقالت وين اسيل قولي تعبانه في نوم واعطي الشغاله هديه وتنفذ كلامي ( ياحليلها الله يذكرها بالخير )
اول ماكسرنا الغرفه كانت جمب الدرج وكان الدرج فاضي وحنا منحاشين الحصه الخامسه
اذا بتسئلوني كيف كسرناها انا بقول كانت الغرفه مقفوله بقفل وانا جبت مفك وفكينا المسامير
وفكينا الكيلون وركبنا الجديد ( ماخذين خبره ) اول مادخلنا الغرفه لقيناها كتمه وغبار جبنا مكنسه
ومنظفات ونظفنا الغرفه خليناها نظيفه وطلعنا وقفلنا الباب واليوم الثاني انا قصيت على المفاتيح
وهنا جابت الزوليه وكانت الغرفه صغيره مو كبيره يعني مناسبه لنا المهم خلصنا تأثيث الغرفه
واتفقنا ان يوم الاربعاء ننحاش للغرفه طول اليوم وجاء يوم الاربعه وكل وحده معها جوالها مانطلع من البيت الا كلنا مع بعض ونوصل في وقت واحد
في النحشه الاولى: وصلنا مع بعض وانا ارتحت وطلعنا وكل وحده قلبها بطيح لاحد يشوفنا المهم
انا طلعت المفتاح وكانت هنا تحرس الدرج وخلود تحرس الدرج الثاني وشوشو اذا فتحت الغرفه تصفر والكل يجي بسرعه ودخلنا الغرفه وجلسنا نسمع اغاني الا وشوي يدق الباب قالت هنا رحنا فيها
وقرينا الدعاء الي هو ( اللهم اجعل من بين ايديهم سداً ومن خلفهم سداً فأغشيناهم فهم لايبصرون ) وقلناه سبع مرات الحمد لله ماحد حس فينا الي يدقون الباب بنات ويمكن حسو ان فيه احد
المهم فطرنا وشاي وقهوه وجت الساعه 10 ونص وهنا انكتمت وهنا جايبن العده ( الاسعافات الاوليه) مانسينا شي وعطيناها بخاخ الربوا وتحستن وجت الساعه 11 ونص والكل نام الا خلود وانا جالسين نتسولف
ولما جت الساعه 12 و44 دقيقه قبل ماتصفر بشوي ناظرت هنا من تحت الباب ومافي احد وعلى طول نزلنا عند الباب وماحد حس علينا
النحشه الثانيه : تطورنا جبنا معنا الابتوب والجوال خلود وشوشو يناظرون مسرحيات ومسلسلت نزلتها لهم وانا وهنا استهبال على خلق الله من الصبح في الجوال طبعا هنا جابت الجوال واحيانا خلود
بس ذيك المره خلود جابت جوال اخوها الصغير علشان اذا انكشفنا ماتتحسر خلود على جوالها والله ازعجنا ناس لين مادعو علينا يقولون انتم بالله وين تقول هنا في المدرسه وماصدقونا لين ماسمعو صوت الجرس
النحشه الثالثه : نفس الثانيه
النحشه الرابعه : نفس الي بس انا صورنا الغرفه للذكريات
النحشا الخامسه : ماقدرنا نفتح الغرفه شافتنا مدرسه العربي وقالت وش عندكم واقفين هنا وقلنا
نتمشى قالت اطلعو الفصل وخربت علينا بس لما طلعنا الفصل كان علينا انتظار وحنا مكانا ورا اخر شي
وكانت بالجدار دريشه وكسرناها بمساعده بنات الفصل وكسرناها وكانت الدريشه تطل على المدرسه
الي جمبنا وكانت مدرسه متوسطه كل يوم قز عليهم ومره جت المراقبات وشافونا انا مدري مين الي
علم علينا المهم نزلنا نكتب تعهد كالعاده ولما بنات الفصول الثانيه شافو دريشتنا مكسوره قلدو علينا
وفي مره كان آخر يوم اختبارات شفنا قاعه اختبار وكسرناها بالدف ( ماخذين خبره ماشاء الله
عليناههههههههههه) وكسرنا الباب تدرون ليه ؟
لان الدريشه تطل على الشارع العام كانت كل وحده لازم توقف على الباب حارس 5 دقايق وجبنا شالات
الهلال وتلويح بالشارع وسوينا جمهور بالشارع المهم بعد ربع ساعه دخلت المراقبه (السوسه والله
مدري وش عرفها فينا تقز قز من بعيد احسها .............. عرفتوها ههههها والله انها داهيه ) ولما
شافتنا قات وش تسوون وضحكنا ( شر البليه مايضحك) وقالت يالله تحت عند الاداره انتم لازم محضر
مو تعهد ولما نزلنا عند الاداره شفنا مافيها احد ووشفنا اسئله الاختارات المحصصه قالت هنا لو انا
ماضمنا النجاح كان سرقنا الاسئله من غرفه المراقبات وبعد شوي جت المديره ومعها الموجه المديره
خافت تغير لون وجهها لانها عرفت انا الاربعه مانجي الا ومعنا مشاكل قالت الموجه وش سالفتكم
ودخلت المراقبه السوسه وقالت لها كل شي وقالت انا مسكتهم مره ثانيه وهم الي كسرو دريشه فصلهم
قات المجه انتم بنات ولاعيال العيال ماسو حركتكم ( قلت انا في نفسي هاذي وشلون لو درت عن
الغرفه ههههههههههههها )وقالت لها المراقبه الفتانه لا وجايبين شالال واعلام الهلال قالت الموجه
متأكدين انك بنات وانا ضحكت وكتبتنا محضر ووقعنا عليه لما نقلنا مدرسه ثانيه انا وهنا والشله كل
وحده اخذت ملفها هي الي بتنقله وفتحنا الملف وشلنا منه المحضر وشقيناه ولا احددرا عنا ( لان
المحضر مستحيل المدرسه تقبلك فيه الا بعد عذاب المحضر للطالبات الـــ ............... عرفتوها
هههههههههها) وسجلنا مدرسه ثانيه ولا احد درنا عنا بريئين ههههههههههههههها
انا كتبت وش الي سويناه بالغرفه ( في بيتنا بناء على رغبات الشله وعلى فكره تراهم يسلون عليكم)
تقبلو تحياتي
تكمله الجزء الثاني للفله بناء على رغبه الشله
