تبي تشوف الضياع بصورته ؟شفني
شف ياعيوني عيوني ..تعرف أوضاعي
من دون داعي تعانق دمعتي .. جفني
وشلون لاصار يوم وداعك .. الداعي
الجرح يعطش؟..وانا الأوجاع تنزفني
مايعطش الجرح دام الساقي أوجاعي
تزرعني الريح بـأنفاسك .. وتقطفني
وأروح معها مثل ما روح شراعي
هذي ذراعي إذا جيت تخطفني
تحضن ذراعي ..أو إنك تلوي ذراعي .!
مادامني معك خل الظلم ينصفني
كل ماتجيبه سماك تعيش به قاعي
خذني لحن من زمان الصمت وأعزفني
وأصير أنا الناي لا.. والذيب والراعي
ميل وتمايل قبل مالدمع يذرفني
وإن ضاقت الأرض تحتك..هذي أضلاعي
ألعب طرب .. فوق هذي العوج وأرجفني
أطرب عيوني قبل لاتطرب أسماعي
وإن شفتني أتساقط ..لا توقفني
واعيك , غافي حزن يالغافي الواعي
أجهلك.. وأعرف كثر ماجهلك تعرفني
الحزن طبعي وأشوفه..أجمل أطباعي
الجرح يظما؟.. وانا الأوجاع تنزفني؟
وشلون يظما؟ وانا الما يشرب أوجاعي
الحزن طبعي......
