أجمل الابيات@@

الغلا لك · 4-2-1429هـ, 01:41 صباحاً

ارجووووو من الجميع المشاركه باجمل الابيات

لاجيت صوب الورد ودك تلمـة
ماتـدري ان الـورد ودة يلمـك

لاصار بين يديـك ورد تضمـة
أنته تشـم الـورد والا يشمـك

يابعد كل الـورد خالـة وعمـة
يابعد منهو في عيونـة يضمـك

في ذمتك 0 في ذمتك 0 قلت ذمة
أنتـه تلـم الـورد وإلا يلمـك

ياليتنـي "طفلـة" وأشوفـه قبالـي
ماأركض أقول الوجه لازم أغطيه !

وأجلس بجنبـه "طفلـةٍ" ماتبالـي
وأجر مسباحه وهو داخـل إيديـه

وأفرح إذا شفتـه ينـادي: تعالـي
وأفتح له المجلس وأسولف وأقهويه

الغلا لك · 4-2-1429هـ, 01:47 صباحاً

خشف ٍ عيونه فالملاقـا سلاحـه
حي بحربي له و انا من ضحايـاه

وجه ٍ عليه من الفضيلـه سماحـه
سبحان من كمّل جمالـه و حـلاّه

ان كانكم منـي تبـون الصراحـه
ما شفت مثله غالي حسنه أطغـاه

لولاي أشوف بشوفه اليوم راحـه
ما أسكن اعيوني بطلعـة محيّـاه

الزين كله فـي عيونـه وشاحـه
أعلى وسام بالبهـا قبـض يمنـاه

صلاح قلبي بالهوى من صلاحـه
أمشي معه مثل الطفل و اتبع رضاه

أقول ناظرني بعطـف و سماحـه
ولا لد بعيونه حيـا قلـت ويـلاه

مجنونها · 4-2-1429هـ, 01:51 صباحاً

يسلمووووووووووووووو يا الغلا

تعودنا على حمل الجمايل والزعل واللوم
ولا نرفض عتب غالي ولا نزعل من جداله
تمنينا حوز اغلى مكانه في وجيه القوم
ونعيش الخوه بوقت يضد رجاله رجاله
تعلمنا من الدنيا وزدنا للعلوم اعلوم
وسقنا للدروب قلوب رجليه وخياله
وقفنا للزمن وقفة شجاعه والقروم قروم
الين ان صار واحدنا بديل اقواله افعاله
الى منه خذا ياخذ مثل ماياخذ المحروم
والي منه عطا يعطي ولو من لقمة اعياله
تقبل حياتي بدل تحياتي اخوكـ(مجنونها)

الغلا لك · 4-2-1429هـ, 01:52 صباحاً

الجوهرة وشلون تمشي علي القاع
حسبي علي من جابها من بحرهـا

اثر البني فيهن تشاكيـل وانـواع
وفيهن جميـل وفيـه الله سترهـا

بعض البني يشري الذهب يوم ينباع
يبيـه يستـر حالهـا ويعمـرهـا

وبعض البني مثل الذهب يلمع لماع
ضاع الذهب من يوم حط بنحرهـا

لانزلت بارضن كلن صـار مربـاع
ولاخايلت غيمـن تهاطـل مطرهـا

ولااشرت يم الكواكـب بالاصبـاع
جت الكواكـب كلهـا مـع قمرهـا

والله لو مالبسـت حجـاب وقنـاع
لتشوف كل الناس تمشـي بأثرهـا

محبوبتي صكت على كل الاوضـاع
شنهي ديانا يـوم تنشـر صورهـا

الغلا لك · 4-2-1429هـ, 01:54 صباحاً

مجنونها

حياك الله وشرفتني بمرورك

أجمل الابيات@@

بيت القصيد