«®°·.¸.•°°·.¸¸.•°°·.¸.•°®»غـــــــرام أحــــبــــاب«®°·.¸.•°°·.¸¸.•°°·.¸.•°®»
على ذاك الطريق اللي يسمونه غـرام أحبـاب*** وطت رجلي على دربه ولا أدري وش نوى فيني
تبعته لآخر دروبه أليـن إن القمـر قـد غاب*** تعب قلبـي ولا تعبـت مسافـاتٍ توديـنـي
لقيت الليلة الجرداء هدب,ظـل,وسمـا وأعشاب*** بعد ذاك الظـلام اللـي متوهنـي عناوينـي
صدفتك معجبه فيني وياليـت الغـرام إعجاب*** وتراك أنتي الهنوف اللـي هقيتـك تستحقينـي
عطيتك عشق من قلبي وسلمت لغلاك أرقاب*** وغيرك يحتـرق قلبـه ولايقـدر يحاكينـي
أنا قبلك صدفت عيون لكن ويش جـاب لجاب*** ترى كـل العيـون اللـي لقتنـي ماتكفينـي
رماني حظي العاثر عليك وجيت لـك طـلاب*** ولا أنتي اللي عشقتيني ولا أنتي اللـي عتقتينـي
تعالي وارحمي ذاك الخفوق المولـع المرتـاب*** ماهو لجلـي عشـان الله يجازيـك ويجازينـي
تعدي في سما عشقي ولو عشقي خراب أصحاب*** وصوني في الهوى نفسك قبل لا أنتي تصونينـي
وشيليني على متنك خفـوقٍ بـاريٍ منصـاب ***ومن فوق الغـرام العـذب شيلينـي وحطينـي
ولامنـك هقيتينـي شجـاع ومايطيـق يهاب*** أنا لـك بالهوى والله مثـل ماأنتـي هقيتينـي
أنا ماأمشي ورا غيرك ولو أنـه يطـق الباب ***ترى عيبٍ علي أطعـن ولوكثـرت سكاكينـي
زهـودٍ مايطيـق الـدم لادايـن ولا طلاب*** شجاع وعارفٍ نفسي وأظـن إنـك تعرفينـي
غيورٍ ماعرفت أضحك مع الغدر ببرود أعصاب*** ببيع عيونـي الثنتيـن قبـل إنـك تخونينـي
ولا أشتد الغرام أترك خفوقي بين نـاب ونـاب*** لفرقا تكـــســـر ضلوعـي ولا عشـقٍ يوطينـي
أنا رجلٍ ولي غيره وإذا شفـت الهـوى كذاب*** تثور بقلبـي الفزعـا ولاتهـدى شياطيـنـي
سؤالك لو يزعزع لي كيانـي ماقبلـت عتـاب*** بأجيك وأسألك نفـس السـؤال اللـي سألتينـي
عن العشق القديم أبواب وتكفيها كثيـر أبواب*** بعد ذاك الحبيب اللي خدعنـي وأنخـدع فينـي
أبي عشقٍ تحسبله كل نظرات العيـون حساب*** وأبي قلبٍ على قلبي وأبـي ديـنٍ علـى دينـي
وأبي كلمة عهد توفي ولاتخلـف بـدون أسباب ***وأبي منـك قبـل لاأنتـي تصدينـي تودينـي
وأبي دربٍ على العذال صعبٍ ومتعـبٍ وغلاب*** وأبي نفس الطريق الصعـب يتعبهـم ويدنينـي
ترى لو للقلوب عيون ولدموع العيـون أهـداب** حشى ماتنزل الدمعـه لغيـرك لـو تركتينـي
أنا أول من عرف قدرك وأنا توي صغير وشاب*** وأبي منـك مـادام إنـك عرفتينـي تحبينـي
مادام أني لقيتك في طريق أسمه غـرام أحباب*** دخيل الله وبـعـد الله دخيـلـك لاتخليـنـي
مادام إن كل من يحيا على وجه التراب تراب*** عسى تنسانـي الدنيـا مـادام إنـك ذكرتينـي
*****************
تحيـــــتي
من روائع ( الشاعر حامد زيد )
