وينك حياتي . جبتي بحالي العيد ..؟؟

.....وعدني مـاوفـى بالـمـواعيد
................................قـال انتظـر لاشـك طال انتظـاري

سافر وقيّدني مع الهم تقييد
................................صرت بغيابه بالهواجيس ساري

شفت العذاب وكل همٍ وتنكيد
................................ومن العنا يطري علي الف طاري

مدري سمع فيني كلام الحواسيد
................................والا السفر أبعد علي المحاري

يالغاليه كنت اعتبر موعدك عـيد
................................وارسم على ضوّه بقيّة مســاري

ماشاقني غيرك من الغنج الغــيد
................................ياجــنتي ياهـم قـلــبي ونـــاري

مليت انا الدنيا بدونك ولا اريد
................................كل الحياه ان مامشت بأختياري

ياطول ليلي صار عقبك سراميد
................................هايم ولاني بالمخاليق داري

وينك حياتي . جبتي بحالي العيد
................................عودي قبل ياصلك علم انتحاري