لعشاق حـــــامد زيد
شاعر مبدع بكل مافي الكلمة من معنى...
شعره...طريقته في الالقاء...اسلوبه...احترامه للشعراء ...وكل شي فيه ...
شاعر الخليج ...هذا اللي اقدر اقول عنه ...
وطبعا اليوم جبت لكم قصيدة الأم ...
..
كتبتها في غربتي يوم رحلتي لما طرالي بالسفر ما طرالها
أمي و انا بوصفلها زود حبها وإن ما حكيتلها قصيدي حكالها
أمي لها بالجوف و القلب منزله مكانه ما كل محبوب نالها
أقرب من ظلالي و انا وسط غربتي و انا تراي اقربلها من ظلالها
ما شافت عيوني من الناس غيرها ولا خلق رب الخلايق مثالها
اغلى بشر في جمله الناس كلهم و اكرم من ايدين المزون و همالها
اتبع ارضاها و ارتجي زود قربها و اللي طلبته من حياتي و صالها
الصدق مرساها و الاشواق بحرها و العطف و احساس الغلاء راس مالها
اهيم فيها و ابتسم يوم قلبها يسأل و انا قلبي يجاوب سوالها
و ان طلبتني شيء فزيت مندفع اموت انا و احمل تعبها بدالها
اصبر على الدنيا و الاحزان و التعب واحمل على متني فطاحل جبالها
و اسهر و اعذب راحه القلب بالشقى و اعيش اعاني بس يرتاح بالها
تربيه ابوي اللي على الطيب اذكره اللي وهبني للحياه و مجالها
نورلي دروبي وانا طفل مبتديء حتى تركني واحد من رجالها
الوالدين اولى بالاحسان لاجلهم واولى بتكريم النفوس و عدالها
اقولها و انا على الله متكل و الله عليم بقدرتي و احتمالها
يا كلمه اغلى من الناس كلهم يا شمس بقلبي بعيد زوالها
يا فرحه تملي لي الكون باكمله يا شجره تكبر و يكبر ظلالها
تضحكلي الدنيا اليا شفت زولها مثل السماء تزهى بطله هلالها
و البعد عنها ياهل العرف ما اقدره لاشك ناري زايده باشتعالها
ما اعيش ببلاد و لاهي بارضها و لا ابي عيوني كان ما هي قبالها
ارض تدوس امي بالاقدام رملها اموت فيها و اندفن في رمالها
|
