نظرة المجتمع للبنت في الكليات المختلطة
السلام عليكم ورحمة الله وبركاته ،،
بدخل في صلب الموضوع على طول ،،
أيام قبل لا أدخل الكلية كنت دائماً أعتقد إن كل شخص يوقف مع فتاه غريبة غير محترم ،، وكل فتاه توقف مع شاب غريب غير محترمه من غير ما أفكر أو أحسن الظن فيهم ،،
يعني يمكن البنت تسأل عن شيء مهم بحسن نية ،، والشاب أيضاً ،،،
دايماً كنت أقول حق صديقتي لا تدخلين جامعة مختلطه ، ترى سمعتك بتخترب وما يجوز وكلام الناس ووووو الخ ،،
وشاء القدر
و دخلت كلية مختلطه ومرة حسيت بضيق وتذكرت كلامي حق صديقتي ،،
طبعاً ما غيرت نظرتي وفكرتي عن هذي المناظر ،،،
كل ما شفت واحد يسولف مع وحده احتقرتهم ،،
ولما مدرس يخاطب البنت عادي عندي ،، طبعاً أحسن النية ،، أقول أكيد تسأل عن الدرس وإلا كان ما وقفت وتكلمت معاه ،،>>>> على كيفي خخخ
مع مرور الوقت كثرت هذي المناظر عندنا بالكلية ،، وطبعاً أنا أظل أنا بنفس تفكيري ،،
وكل يوم أنصدم في البنات ،، وحتى ما أقبل أي مناقشة من قبل اي طالب وقت المحاضرة ولا حتى أي سؤال حتى لو كان مهم ،،،
فقمت ألاحظ نظرة الشباب عني وعن صديقاتي اللي تصرفاتهم نفس تصرفاتي ،، مستحيل أي واحد يجي ويسأل أو حتى يقول إن وقت المحاضرة تغير أو إن الإمتحان أنلغى ،، يعني مستحيييل ،،
ونلقاهم عادي مع غيرنا من البنات ،، يكلمونهم ،،
طبعاً كل بنت يكلمونها بأسلوب غير عن الثانية ،، يعني المحترمة اللي ما تاخذ وايد وتعطي يكلمونها بأدب ،، واللي تمزح معاهم يعني تاخد وتعطي معاها وحتى يزودونها ساعات وهذا اللي ما يعجبني بصراحه ،،
اللي أبي أتوصل له الحيـــــن
ما هي نظرة المجتمع للبنات في الجامعات والكليات المختلطة ؟؟؟
وكيف لازم تكون تصرفات الطالبات ، يعني اشلون تتعامل مع الجنس الآخر ؟؟؟
وما هي نظرة الشباب للبنت اللي متساهلة معاهم في الكلام ؟؟؟؟
ونظرتهم للي ما تعطيهم وجه خخخخخ ؟؟؟؟
مرة من كثر ما افكر في هل الموضوع اتصلت بشيخ وسألته ؟؟
قال لي ما تتكلمين إلا للضرورة
واسمحوا لي عالإطالة ،، والكتابة بالعامية .........
انتظر الردوووود بفارغ الصبر ،، يعني لا تبخلون علي بالتوضيح وأنا متأكدة إني بلاقي رووووووووود فلة ..
إختكم
دلع
|
العرض العادي
