قالت : أبيك وقلت أنا اللي على ناااار
بس إنِّي أخفي ما اندفع من حنيني
قالت تبيني ؟؟ قلت مولّع ومحتار
واخاف أنا لو بحت لك تجرحيني
قالت من أوّل ؟؟ قلت تصريف الأقدار
من يوم عينك شاغلت شوف عيني
قالت هويت ؟؟ قلت هاويك يا جار
واهوى جروحي فيك ... لو تجرحيني
قالت أنا ؟؟ قلت إنتي العمر لو جار
وانتي الغرام اللي يطفّي حنيني
قالت هو الحظ ؟؟ قلت دانة وبحّار
إمّا ملكتك ... أو معك تغرقيني
قالت تصدِّق ؟؟ قلت من غير ما اختار
أصدِّقه من غير ما تقنعيني
قالت أبوح ؟؟ وقلت : يلهمني أشعار
بوحِك ..... يعيِّشني غوالي سنيني
قالت أكيد ؟؟؟ وقلت : لابد باصرار
خليني أعرف وين قلبك وويني ؟؟؟
قالت بعمري ... قلت تفداك الأعمار
قالت بقلبي ... قلت : كلّي إملكيني
قالت : تعاهد ؟؟ قلت انا العاشق البارّ
دامي ضنينك والله إنِّك ضنيني
وتنهّدت وعيونها تنطق أسرار
قريتها ما بين... قلبي وبيني
قالت أجيك ؟؟ وقلت يا نور من زار
مع جيِّتك .... كل السعادة تجيني
قالت : يدينك ... قلت خوذيني سوار
وحطّت إيديها رعشةٍ في يديني
قلت : الحكي خليِّه يا شمعة الدار
أنا افهمك قبل الحكي .... صدقيني
حضنتها ... لثمتها .... ما ادري إش صار !!
ما ادري عن اللي صار فيها و فيني
همس المشــــاعر ...
العرض العادي
