المكيـاج

توأم روحي

المكيـاج

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي


قالت دقايق راجعـه لـك واراويـك
ذاك الجمـال اللـي لعينـك يسـلّـي


ويوم رجعت لي شربكتني الشرابيـك
وحسيت الارض تدور وانـا بمحلـي


الخد كنه ياحياتي سيراميـك
والوجه شارع مثـل شـارع حولـي


الوجـه كنـه بيـت كلـه شبابيـك
من هالحفر في وجهها اللـي يعلّـي


كلـه سبـب مكياجـك الله يجازيـك
خليتني مخـدوع فـي شكـل خلـي


ونصيحتي لكل شاب من غير تشكيك
لا لا تتسـرع ثـم تنغـش مثـلـي


اللـي بـلا مكيـاج خلهـا حواليـك
واللـي تحـط مكيـاج خلهـا تولـي

كــــلي حزن

ミ♥ملك الرومنسيهミ♥

–•(-• (مــ الأقسام التقنية ــراقب) •-)•–
©{« ومـ الألعاب والأنمي والمسابقات ـشرف»}©
-=¤§ ملكـ المنتدى §¤=-
(ملك قلوب الملايين)

الملف الشخصي





 

الحالة

 

 

هههههههههههههههههههههههههههههههههههه
صح لسانك
وانتظر جديدك
وتقبل مروري
اخوك
ملك

غلاوي

©{« مـ زوايا خاصة ــشرفة »}©

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّي


هههههههههههههههههههههههههههه

يعطيكـ العافيه ع النقل الرائع

تقبل مروري

توأم روحي

مرسى أخوتي الاحبه على الردو الجميله والخلابه والله يعطيكم العافيه وشكراً لكم