قصيدة ناصر الفراعنة .. ناقتي
نص قصدية الشاعر المبدع دوماً " ناصر الفراعنه السبيعي " في برنامج شاعر المليون المقام في دولة الامارت العربية المتحده
وقد لاقت استحسان جميع الحضور الذين وقفوا تصفيقاً واعجباً بهذا الابداع " نصاً والقاءاً وحماسه وثقافه عاليه "
ناقتـي ياناقـتـي لاربــاع ولاسـديـس وصليني لابتي مـن وراء هـاك الطعـوس
حائلاً رابع سنه من خيـار العيـس عيـس خفها لادرهمـت كنـه بالنـار محسـوس
في دجى خالي خـلا لاحسيـس ولا ونيـس تنوخذ من شدة البـرد طقطقـة الظـروس
في عيوني يكفخ الطيـر ويطيـح الفريـس وانتهض جساس من دون خالته البسـوس
وفي خفوقي فرخ جنيتاً يضـرس ضريـس يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس طينتاً من تربـة الخلـد والـدم محمـوس
نقشت خمساً من الخمس في يوم الخميـس ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس قبتين قاب قوسيـن قوسـاً جنـب قـوس
خصرها يحكي لنـا واقـع القـوم التعيـس وردفها عن غطرسة بوش يعطينـا دروس
وبالرغم من قصرهـا مايجالسهـا جليـس تصبح أطول نسوة الارض في وضع الجلوس
العروسه ماتبي غير ابـو تركـي عريـس العروسه نجد ماهيـب حـي الله عـروس
نجد بنت المجـد ونسـة مونسـة الونيـس ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس (خير من كوني رئيساً على شلقة تيـوس)
وليس عيباً إن خدعني بمكـره كـل هيـس لان مايفهم بمكـر الهيـوس الا الهيـوس
مصطفى في مأدبـة عمـه البابـا لويـس كبر اللقمه تحت ضـؤ حمـراء الكـؤوس
وطسم حدتها على حائـط المبكـى جديـس يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس دونها سمر الحناجـر بترهـا حـد مـوس
قسقـسـة لاحرارهم.قيس.قيس.قـيـس . قيسوالبستهم من مهانتهم انـواع اللبـوس
بين خدعة كعـب اخيـلاً ومولـد ادونيـس درسونـا الالهـه والمـدرس هنـا روس
ويش لاقوا من قناة السويس اهل السويـس وويش لاقوا من تلمسان قوماً من سنـوس
كلهم من شـدة الجـوع راحـوا خندريـس بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس ترجع الاذناب إذناب وتبقـى الـروس روس
صدق لاقال العرب مايحوص الا الخسيـس ولايوط الروس شئياً مثل ضعـف النفـوس
صح لسانك مليون ويزيدون ملايين
|
