قصة قصيرة حزين باللهجة البحرانية
قصه حزينه و باللهجه البحرينيه
واتمنى انها تعجبكم
(( حصه ومحمود ))
بعد علاقه حب دامة 8 سنوات بين محمود و حصه انتهت
بزواج حصه من ولد خالتها ابراهيم وموت محمود
محمود : يمه انه ابيها
ام محمود: لا يمه طول ما انه عايشه ما تاخذها
محمود: يمه ليش انه شنو سويت لج
ام محمود : يا وليدي انه عندي لك اللي احسن منها
محمود : انه ما ابي اللي احسن منها تكفيني حصه
ام محمود : قلت لك حصه لا يعني لا
طلع محمود برع البيت واهو مطنقر من كلام امه
وفي هل اللحظه بتحديد في بيت حصه
حصه : يمه ما بيه ما بيه ليش مو راضيه تفهميني
ام حصه : عاد كيفج رضيتي وله لا انه وابوج موافقين
حصه : ما يصير جي زواج بل الغصب اهو
ام حصه: غصب طيب بتاخذينه يعني بتاخذينه وتره علم يوصلج ويتعداج يوم الخميس الملجه
حصه واهي ميته من الصياح : ما ابيه
وطلعت ام حصه من الحجره وراحت المطبخ اتجهز العشه
امه حصه راحت غرفه امها وخذت تلفونها بل الخش لانه امها خذته منها عشان ما اتكلم محمود منه
وطقت الرقم تتصل ما يرد عليها و عقب اشوي اتصلت اله الرقم مغلق اهني قامت اتصيح ازياده وعورها قلبها وحست انه محمود فيه شي لانه اهي اتعرف محمود عمره ما قفل تلفونه
وفي بيت بو محمود تلفون البيت يرن
ام محمود : الو هلا
المستشفى : اهلين
ام محمود : من معاي
المستشفى : اختي هذي بيت محمود جاسم
ام محمود : أي نعم خير
المستشفى : اختي بس بغيت اقول لكم انه ولدكم مسوي حادث ولازم اتيون عندنه
ام محمود من اسمعت هل الخبر طاحت السماعه من يدهاوركضت حق بو محمود
ام محمود واهي ميته من الصياح : بومحمود قوم محمود مسوي حادث
بومحمود : هااا شنو ؟؟ يله يله لبسي دفتج
واهم في السياره
ام محمود : ما راح اسامح نفسي اذا صار في ولدي شي كله مني انه ما خليته ياخذ اللي يبها
بو يمحمود : هدي ما فيه محمود شي ما عليه اله العافيه انتي هدي بس
ووصلوا المستشفى
وصلوا عند غرفه العمليات وله توه الدكتور طالع من الغرفه
وركضت ام محمود عنده وادموعها اربع اربع : دكتور خير دكتور طمني اشفيه ولدي
بو محمود واهو مو مالك اعصابه : ولدي فيه شي يادكتور
الدكتور : والله ما ادري شنو اقول لكم بس اللي اقدر اقوله لكم
البقيه في حياتكم
ام محمود من اسمعت هل الخبر طبت في مكانها
وبومحمود الدنيه اتلف فيه مو عارف شنو يسوي عقب قرر انه يتصل حق حصه ويقول لها كل شي
بو محمود : الو السلام
حصه : وعليكم السلام
بو محمود : بغيت حصه
حصه : انه حصه خير اخوي من معاي
بو محمود : انه بو محمود
حصه : ؟؟؟؟؟؟
بو محمود : والله ما ادري شنو اقولج يابنتي بس الي اقوله لج ساميحني
حصه : مسموح يا يبه بس على شنو
اهني بو محمود ما قدر ايود روحه صاح
حصه : خير ييه شنو فيك ؟؟ محمود فيه شي قولي
بومحمود : حصه محمود عطاج عمره
حصه : لالا انته اتجذب علي محمود ما مات واهي اتصارخ محمود ما مات
وطبت السماعه من يدها
وامها سمعت صراخها ويات لها حصه شنو فيج ليش اتصارخين
حصه : يمه محمود مات مااااات واهي اتصيح حالته حاله >>> عورت قلبي الصراحه
ام حصه : واهي مب عارفه شنو اتقول
واصرخت حصه ذيج الصرخه ومن عقبها طاحت واغمى عليها
ام حصه : اتصارخ واتصيح على حاله بنتها اشلون صار هلون وحست انه اهي السبب في اللي صار حق بنتها
وقعدت ابوها وودها المستشفى
ودشت حصه في غيوبه
وفي خلال ما حصه كانت في الغيوبه
ماتت امه محمود واهي حاسه بذنب في انها اهي اللي ذبحت ولدها
وعقب شهرين تقريبا مروا على هذي السالفه صحت حصه من الغيوبه الحمدلله محد كان متوقع انه حصه اتقوم من الغيبوبه بس اراده الله اقوى من كل شي
وعقبها تزوجت ولد خالتها ابراهيم و اول ولد يابته سمته محمود على اول حب في حياتها ومستحيل انها تنساه
وان شاء الله عجبتكم القصه
تحياتي
|
.gif)
