المـــــــــــوت

حبوب

جاني وانا في وسط ربعي وناسي ... جاني نشلني مثل ما ينشل النـــاس

مني نشل روحٍ تشيل المآســـــــي ... تشكي من ايام الشقى تشكي اليـاس

أثر الألم في سكرة المـــوت قاسي ... ماهالني مثله وانا انسان حـــساس

جابوا كفن ابيض مقاسه مقاســــي ... ولفوا به الجسم المحنط مع الـراس

وشالوني اربع بالنعش ومتواســي ... عليه ومغطى على جسمي البـــاس

وصلوا علي وكلــــــهم في مــآسي ... ربعي ومعهم ناس من كل الاجناس

ياكيف سوا عقبنا تاج راســــــــي ... وامي الحبيبه وش سوى بها الياس

اسمع صدى صوت يهز الرواسي ... قولولها لاتطــلــم الخــد ياناس

قولولها حق وتجرعت كاســـــــي... لاتحترق كلٍ يبي يجرع الكـــــاس

اصبحت في قبري ولابه مواسي ... واسمع قريع نعولهم يوم تـــــنداس

من يوم قــــــفوا حل موثق لباسي... وعلى رد الروح صوت بالاجراس

هـيكل غريب وقال ليه التــــــناسي... صوته رهيب وخلفه اثنين حـــراس

وقف وقال ان كنــت يانـمر نـاسي ... هاذي هي اعمالك تقدم بكـــــراس

ومن هول ماشفته وقف شعر راسـي ... وانهارت اعصابي ولاارد الانـفاس

يالــيتــني فكرت قبل انغمـاســـي ... بالـغفله اللي منتـهاها لــلافلاس

وفزيت من نومي على صوت ناسـي ... واصرخ واقول الموت وأحذر الناس

!! بعثرات نرجسية !!

–•(-• (المشرفة العامة) •-)•–

ياكيف سوا عقبنا تاج راســــــــي ... وامي الحبيبه وش سوى بها الياس

اسمع صدى صوت يهز الرواسي ... قولولها لاتطــلــم الخــد ياناس

قولولها حق وتجرعت كاســـــــي... لاتحترق كلٍ يبي يجرع الكـــــاس

قصيده مؤثره تذكرنا بنهايتنا
احسنت الاختيار ياخوي حبوب
صح لسان كاتبها وتسلم يمينك على نقلها
لك تحيتي مسبوقه باحترامي ومحبتي
اختك/تعب

حبوب

صح بدنـك يا العـزيــزة الغالية / تعب كلــــ الحياة ــهـــا

طــفــ طــفــ

يعيطكـ العافيه أخوي/حبوووووووووووب علىآ النقل المتميز

وصــــح لــســانكــ ولــســان شــاعــرهـــآ

وتسلم يمينكـ لا عدمناكـ علىآ النقل يالغالي


تقبل مروووووري


طف طف

طــفــ طــفــ

أخوي محبووووووووب أسف أني بذكر شئ ماذكرته في القصيدهـ

أن هذي القصيدهـ للشاعر المقدم/ نمر السحيمي الحربي

قال هذه القصيده قبل وفاته لأنه رأى في المنام أن منادياً يناديه وأنه ميت فقال هذه القصيده وأودعها في درج مكتبه وعند ما توفي وأثناء تفتيش مكتبه وجدوها فيه.


وأخوي محبوووووووووب الغالي كلنآ يالغالي مكملينآ لبعض

تقبل اجمل وارق تحياتي وخالص المودهـ وحياكـ بين أخوانكـ


أخوكـ//طــفــ طــفــ