ليله لكل عشاق متخاصمين
ليل الغرام اللي فقـد همسـة شفـاك
ماعـاد ينفـع لـو تلحفـت صمتـه
::
إكسر قيود الصمت وسمًعنـي حكـاك
قول الـذي فـي خاطـرك لا عدمتـه
::
سولف وقول.. إشتقت من بعد فرقـاك
وحبل الرجاوي فـي غيابـك لزمتـه
::
سولف وقول ايه أنت.. ويش اللي وداك
وأنت تعرف قلبـي حنـون وظلمتـه
::
علمني صبـح فراقنـا كيـف عنـاك
وكم حلم ليـلٍ فـي غيابـي حلمتـه
::
إشرح لي تأثير الهجـر فـي حنايـاك
وكيف الحزن في وسط قلبـك أقمتـه
::
وخلني أحب الشـوق وآصيـر ويـاك
تلميذ وأنـت أستـاذ عشـقٍ حشمتـه
::
أسمع و اركز فـي كلامـك ومبـداك
وأقـول فاهـم لونـي مـا فهمـتـه
::
بادلنـي الإحسـاس ثـم مـد يمنـاك
مـدة كـريـمٍ بالعطـايـا زهمـتـه
::
وإسألني.. أنت شلون قضيت دنيـاك؟؟
وعام الجفا عن شوفتي كيف صمتـه
::
وآنـا بجـاوب كـل شـيٍ لعيـنـاك
وأفصح عن اللي في ضميري كتمتـه
::
وآقول لك.. ياكيـف تبغانـي أنسـاك
وأنت الهنا اللي فـي حياتـي طعمتـه
::
قبضت خيط الصبر لـي يـوم لقيـاك
واليأس جيـشٍ فـي غيابـك هزمتـه
::
ياما كتبـت إسمـك وجـددت ذكـراك
وشعري على فرقـاك يامـا نظمتـه
::
لمت البشر علـى فراقـك ومجفـاك
حتى ترى قلبـي علـى البعـد لمتـه
::
ما سدنـي عـن شوفتـك ذا ولا ذاك
وغيرك ترى يا سيـدي مـا هضمتـه
::
والله واللـي عـالـمٍ دور الأفــلاك
قلبي ترى عن حـب غيـرك حجمتـه
::
الروح لـك يادولـة الحسـن تفـداك
لو تطلب من سنين عمـري قسمتـه
::
والقلب بيتٍ ماسكـن وسطـه سـواك
وكل ما انبنـى بيـتٍ بجنبـك هدمتـه
::
أهديت لك مـا لا بعـد واحـد أهـداك
ياللي على قلبـي سطيـت و حكمتـه
::
لوحة غـلا ياعلهـا حـازت رضـاك
رسمتهـا والشـوق لجلـك رسمتـه
::
تصدق إني كنت من قبـل مـا ألقـاك
ساهر وليـل الشـوق مـا زاد نمتـه
::
وكل ما بغيت أرقده وآسـج وأسـلاك
أغفى و لي من حـل طاريـك قمتـه
|
العرض العادي
