..،[]،.. لِيْه جَرْحِيْ منْ الفُرَاقْ لَهْ سِنِيْنٍ مَا بَرَىْ ..،[]،..

مرام · 17-1-1429هـ, 05:00 مساء

:
.
.
فَجْأَة ،، جَانِي الخَبَرْ ..
قَالُوْا خِلـّكْـ بـ وعوده " غَدَرْ "
طِحْت وُ بِكِيتْ
وُ مِنْ دَمعِي ضَيّعت النّظَرْ ..
وِشْ بَلاها دِنيِتي ،، تِجرَح أحْلامِي
وُ كِل مَا احتِوَانِي حِضنٍ بِالأمَان
أشِمّهَا قِريبَة مِنّي
أنْفاسْ الخَطرْ ..
،’
هُو أنَا ضحيّة و إلا الـ مُجْرِمَة هِيْ
الخَطَا مِنّي و الا عَليْ
الدّنيَا ذِي وِش تِبتِغيْ ؟
،’
هِيْ سِوَاتِيْ صَح يُوم إنِّي وفِيتْ ؟
هُو أنَا يُوم إنّيْ عشَقتْ ،،
صِرتْ فِي حَقّ البشرْ
أذنَبْت وُ خَطِيتْ ؟
وِ الا بَس مَكتُوبٍ فُراقَه وْ مُحَتّمْ ..
وانّي لا جِيت أئِنْ ،، كِل وَنّاتِي بْـ صَدْرِي تِلْتَمْ ..
وِ الّا مِثل مَا صَار مْتِدَاوَلْ :
مَا عَاد أَحْدٍ بْـ جَرح خِلّه ،، يِحِسّ
وُ يِهتَمْ !.
،’
عَلّمُونِي وِش خَطايْ ،، عَلّمُونِي بِـ الصّوابْ ؟
تَعبتْ مِن هَجرِ القُلوبْ
و ذبَحتْنِي طَعْنَات الأصْحَابْ ..
لا صَارَت الصّدفة تِلمّ الشّمل ،، و عيونٍ تتلاقى
عقبْ فَرقة وْغِيابْ
يِغتَال الفَرْحَة فِراقْ
مَا أظِن لَه قُوّة أسْبَابْ !..
بَس مُجَرّد نَفسِ الوَتِيْرَة
لِقا ،، حُبْ ،، شُوقْ ،، لُوعَه
حِبَال يِبْتِرْهَا سِكّينِ الغِيابْ !..
و أيّامٍ تِدُور و تِدُورْ
و تِتْغَيّـر كِثير أموْر
و يِصِير الشّابْ ،، شَايِبْ
ينفضّون مِن حُولَه الحَبَايِبْ
يِنْشِغِلْ عَنّه وِلْدَه ،، و تِخْتِفي عُلُومْ بِنْتَه
و يِنْقِطِعْ وِدّ القَرَايِبْ
و تِرْجَع الدِنيا تِدُورْ
و يِنْتِهيْ طُولْ المَسِيْرَة
كلّـ نْ بِقَبْرَه الله أعْلَم وِش مَصِيرَه !!
ما بَه فرُوقْ
كَان نَايِم قبل موتَه عَلى سِريْر
والا يِنْزِف مِنْ نُومْتَهْ
طُولْ عُمْره عَ الحَصِيْرَه
،’
مصيرْ كلٍ الخلايقْ لِـ الثّرَى ..
لا خِلّ لا غَالِي ،، لا حَبِيبْ وُ لا مَرَة
عَلمُونِي بَعْد هَـ المَصِيرْ
لِيْه المِشَاعِر بِيننَا ،، صَارتْ تِبَاعْ وُ تِشْتَرَىْ

لِيْه جَرْحِي مِن الفِراقْ ،، لَه سِنينٍ مَا بَرىْ ؟

samer600 · 17-1-1429هـ, 05:25 مساء

مرام مساء الخير

اي جرح بفقدك يكون

اي جرح ابكيه

واي الم اشكيه

فكل كلمات الكون لاتكفي نعم لاتكفي

فاانت الجرح وانت الالمو

ولا جرح اليوم بعدك

كلمات كانت جميله

تحمل ارق عتاب النفس الابيه

وانا اعلم انك تملكين قلم

مبدع وجميل والله يعطيك العافيه

وتقبلي مروري مع الود والاحترام

الحل الصـ ع ـب · 17-1-1429هـ, 05:52 مساء

فَجْأَة ،، جَانِي الخَبَرْ ..
قَالُوْا خِلـّكْـ بـ وعوده " غَدَرْ "
طِحْت وُ بِكِيتْ
وُ مِنْ دَمعِي ضَيّعت النّظَرْ ..
وِشْ بَلاها دِنيِتي ،، تِجرَح أحْلامِي
وُ كِل مَا احتِوَانِي حِضنٍ بِالأمَان
أشِمّهَا قِريبَة مِنّي
أنْفاسْ الخَطرْ ..

أختي كلمااااااات تجعلنااااااا نبحر في عاااااااالم الخيااانه
والغدر وتجل اعينناااااا تبكي وتحزن
نعم ابداااااااااع وتميز والى الأمااااااااااام أختي
تقبلي مروري
أخـــــــــــــــ(الصعب)ـــــــــــــــوك

مرام · 17-1-1429هـ, 11:30 مساء

يسلمو على مروركم الرائع

ミ♥ملك الرومنسيهミ♥ · 18-1-1429هـ, 12:38 صباحاً

يسلموووووووووووووووووو على الخاطره الرائعه
وانتظر جديدك
وتقبلي مروري
اخوكي
ملك

..،*[]*،.. لِيْه جَرْحِيْ منْ الفُرَاقْ لَهْ سِنِيْنٍ مَا بَرَىْ ..،*[]*،..

نثر و خواطر

..،[]،.. لِيْه جَرْحِيْ منْ الفُرَاقْ لَهْ سِنِيْنٍ مَا بَرَىْ ..،[]،..