طبعك مثل غيرك وطبعي كما كنـت ....

ذبحـ الشـوق ـني

–•(-• (مــ الأقسام العامة ــراقب) •-)•–

آسف انا في جيتي لـك تسرعـــت ***** ظنيت الاقـي فيـك شـيٍ فقدتــــه

كنت احسبك مجروح مثلي تولعـت **** جربت فرقى شخص قلبـك وهبتـــه

كنت احسبك من مر جرحك تجرعت **** حبيت فيك احساس طفــلٍ لمحتـه

لوقلت آآآه بوسط روحي توجعـت ***** ولو شفت دمعاتك شعوري سكبتـه

ولو تطلب اعيوني ابد ما تمنعــت ***** واعطيك قلبي لو بعد مـا طلبتــــــه

وصلت بك.. اعلى مكان وتربعت **** وفي قلب غيري ياالغضي ماوصلته

واصبر على صدك واشوفك تدلعـت ***** واعطيك ود ومـا اظنـك حسبتـه

اذهلتني بطباعك اللـي ...تطبعــــت ***** حتى قصيدي فيك ابد مـا فهمتــه

لو كان غاياتك حروفي فانا بعـت ***** وافرح بجرح الشاعر الي جرحتـه

وأرجوك من صدك تراني تشبعـت ***** خلك مع اللي عاجبـك او عجبتــه

يكفي قهر في جيتي لك تواضعــت ***** تركت غيرك لجـل عينـك وبعتـــه

ياليتني عـن حـب مثلك..ترفعـــت ***** ياليت قلبي قبـل اعرفـك دفنتـــــه

لكن اببعد دامني بــك توهقـــــت ***** الله يرحـــم حبنــا اللـي ذبحـتــــــه

انا شريت الود والحين انـا بعـت ***** وانا عطيتك قلبـي اللـي قهرتــــه

في يوم جيتك اطلبـك ود واقنعـت ***** نفسي بانك شخص عادي عرفته

كمل حياتك مثل مـا انـا توقعـت ***** تبقى اسير الماضي الـي فرضتـــه

ولا يحزنك اني غلطان وتراجعـت **** حولك بدالي ألف شخـصٍ عجبتـه

اما انا لا يمكن اخضـع ولا طعـت **** يحرم علي اعطيـك قلـبٍ خذلتـــه

باريّحك من شوفتي يـوم قاطعـت ***** اسلوبك اللي بـة تجامـل كرهتـه

غلطان يا المقفي انا مـا تتبعـت ***** غيري يتابع خطوتـي مـا تبعتــــه

ما ينحني راسي لو انـي تقطعـت ***** وما هو انا من لا رميتـه لقطتـه

وان كان غرك حكي عذالي وطعـت ***** الله يعلـم كيـف قلبـي سكنـتــه

اللي ملا قلبـك علـي وتسمعـت ***** خله يعوض شخص مثلي خسرتـه

انـا بمـا فيـة الكفايـة تولعـت ***** واللي بقى من قلب فينـي حرقتــــــه

باول لقا سلمتة احساسي وضعـت **** غلطت حياتي يـوم قلبـي سلبتـه

واستسمحك فالبعد كاني تراجعت ***** ما عاد ابلقـى فيـك شـي فقدتـه

طبعك مثل غيرك وطبعي كما كنـت *** احب شخـص ولا تركته..تركتـه!!!

وان شفتني صدفة بعينك تطلعـت ***** ذكرتني با نسـان غالـي فقدتـــه




""منقول ""

!! بعثرات نرجسية !!

–•(-• (المراقبة العامة) •-)•–

ابداع في النقل ياخوي من جد ابداع
ذوق راقي يالغلا نشكرك عليه
لك تحياتنا وعساك ع القوه
اختك/تعب

ذبحـ الشـوق ـني

–•(-• (مــ الأقسام العامة ــراقب) •-)•–