طعنى من ورى
السلام عليكم ورحمة الله وبركاته
الهرج لـه حـزه وللكلمـه ذرى
وكم حاجه في خاطـري ماقلتهـا
أنسان لا أشعـر ولا حتـى أرى
وكم كلمـه مـرت ولا حللتهـا
كله علشان الرضى وطلعة كرى
ولعيون ناس أمـوت ماهملتهـا
أحشم وأقدر ما تلحفـت المـرى
ولو كان به حيله ماكان أحتلتهـا
الجرح ساكن في الخفايا ماسرى
من طيب راسي تـو ماخربتهـا
ياشينها لاجات طعنـه مـن ورى
مالـي بهـا حيلـه ولا قربتهـا
ياصاحبي كل من معه درهم شرى
وأنـا يمينـي للولـي وجهتهـا
ياكم طرى شي وشيـن ماطـرى
وناس تصون أحبابهـا عبرتهـا
وأصحابي اللي لاجلها جارن جرى
غيرتهـا للطيـب مـا غررتهـا
أغير الموضوع من جرحا مابرى
الـى حروفـا مابعـد كررتهـا
الغربه اللي ليلها تـو ماسـرى
عن ساعد أفكاري كذا شمرتهـا
لان فلبي مات واحساسـي ثـرى
ومشاعري لك مابعـد زورتهـا
الفرح طعمه طعم والحزن انفرى
مسافتـه تقـرب ولا قربتـهـا
وان كان ماتدري وغيرك مادرى
هذي حروفي من غـلا حررتهـا
ياشينها لاجات طعنـه مـن ورى
مالـي بهـا حيلـه ولا قررتهـا
منقول...........
وســـلامتكم+++
تحياتي
>>>>>>>>>>(سراب المحبة)<<<<<<<<<<
|
