تخبرون العائله اللي توفوا على الجيب بنفود الشمال؟

ما طلعو يدورونهم إلا عقب شق الأنفس (بعد شهر)

طبعاً توفوا.. ما لقوهم إلا عقب

هذه مرثية فيهم لا أعرف الكاتب ولكن المنشد "حامد الضبعان"

الشاهد إن فيها كم بيت ... جميلة جداً





من شفتهم ياحمود في داخل الجيب
والله كنّي يالمزيني علـى نـار


يا الله أنا طالبْـك ياعالـم الغيـب
إنّك تحرّمهم علـى دخلـة النـار


ما لي على مـا قـدّر الله تعقيـب
لكن نخاف يموت في إهمالنـا كثـار


شهرين والأطفال في عالم الغيـب
والله لو دوّارهـم يركـب حمـار


لو هي ذلولٍ غاديـه للمعازيـب
كان أرسلوا له كل قصّاص الآثـار


الله يسوّد وجهكـم ياهـل العيـب
سود الكفر لامن تقطّع على القـار


إن ما فرجتوها نهـار المواجيـب
وش فايدتكم ياملا قصف الأعمـار


طفلٍ يعذّب فوق شهرين تعذيـب
والله عار ولا يجـي مثلهـا عـار


ياكيف ناموا ليلة الشـك والريـب
والصبح كلّن منهم يـدوّر إفطـار


تلاصقوا في منظرٍ يطْلع الشيـب
وخمّوا بعضهم ودّهم شوفة الـدار


لا يابعد روحي توفوا على الجيـب
عند الله الإفطـار عنـد الله الـدار

بصراحه قصيده مؤثره
الله يرحمهم برحمته
اخوي راعي الحنش مشكور على النقل ولاعدمنا هالتواجد يارب
لك تحيتي
اختك/تعب

يسلمووووووووو تعب


ومشكور

تقصد اللي بالنفوود صح

لانو القصيده مره تصلح معهم

اذا ماكنت غلطاانه

ومشكور خيوو

وماقصرت

تقبل مروري

تحياتي