البــــــــــــــــارحة

البارحة...مدري متى البارحة راحت
سهرت ...والانمت..أدري..ولا أدري
كن السماوات العلى طاحت
وكن الفصول الأربعة ما غدت تجري
تراجعت...مثل البدايات وانزاحت
وتمددت...مثل النهايات في صدري
شيخه...ولاهي بنت شيخ،ولا لاحت
حلوة...ولاهي بالحلا طعمها يغري
بنت لعوب ولا تحظنتها صاحت
تعيث بأعصابي...وتعتاش من فكري
بعيونها...أجمل مواعيدي ارتاحت
وبخدودها ورد الرياحين مستشري
وف صدرها..عمر الزغاليل ما ناحت
متوثبة...للحب..لليل يا عمري
ليلة سهر ..كانت..وبأحلى الغزل باحت
ومرت مثل نسمة هوا...والهوا سحري
وطافت على قلبي مثل جيش واجتاحت
وخلتني أعزل...غير مني..ومن شعري
ليلة بها كل الأعاجيب لو شاحت
وفيها من هموم المخاليق ما يزري
البارحة...والبارحة بالشذا فاحت
وتبددت مع طلة الشمس من بدري
***************
تحيـــاتي للجميــع

صح لسانج المهــــا

سلمت يمناك ودام لنا قلمك : )
الله يحفظج يارب

يصح بدنك الغااليه تسلمين ع المرور


تحيـــــــاتي

صحت يدك كتبتها ... ولسان نطقها

اسمعي هذي ...

البارحه ... اقصد الحين ... خشيت المنتدى وفيه المها ... خطت خواطر ...
اعجبني وحلو ... ماقدر ارد عليها الا بت (( يسلمو ))

ههههههههه تسلم والله اخوي الطريق

تحيـــاتي