فرحة تلاقي وأثرها فرحة إفراق
فيها رميت أحلام باقي حياتي

سريت منها مامعي غير الأشواق
أسابق الذكرى وموت الأمانــي

شرهة خواطر طولت بين الأحباب
يا شينها لي وقفت للحبايــب

تجرح قلوبً شوقها فوق الأهداب
وتشوف منها شوف سبع العجايب

ياشمعة أفراح العمر ماله أسباب
تغيــب عني والوله فيـك ذايب

من غبت عني والوله شرع الباب
بين النظر شلتك وشلت المصايب

أشوف كل الناس في عيوني إغراب
اثر المحبه صدق فيها الغرايب

الحب ياسيد المحبين ما غاب
سحابةٍ من شوق قلبي سحايب

أنا حبيبك ما مضى شرهة أحباب
ومامرت الفرحه عليَ وأنت غايب


أعجبتني فنقلتها لكم

ذبحـ الشوق ـني

- شموخ بإنكسار -