أحبّـك ماهـي بَـسْ كَلْمَـهْ أنـا دايــمْ أرَدْدْهــا
أحـبّــك كـلـمـةٍ لاقِلْـتَـهـا أقــصِــدْ مَعـانـيـهـا


صَحيـحْ إنْ الحُـروفْ شْــوَيْ إذا وِدّك تِعـدْدْهـا
ولـكـنّ المَعَـانـي مَاهَقِـيـتْ إنّـــك بْتحْصـيـهـا


وُفَـا واِخْـلاصْ وظْـروفٍ تِعَانِدْنـي وأعانـدْهـا
مشاعِـرْ صادِقَـهْ والـوِدْ ساكِـنْ فـي مَحانيهـا


غَــرامْ وشــوقْ والـغِـيـرَهْ تِـبَـدْدْنـي وابـدْدْهــا
هِيـامْ وعِشـقْ ولْحـونْ الـغَـلا للْـوَصْـلْ أغَنّيـهـا


حَنانْ يِشَتِتْ ألأوْهَـامْ عَـنَ السّرْجُـوفْ يِبْعِدْهـا
وِدَادْ وزوْبَعَـةْ هَاجِـسْ عَلَـى ذِكْـرَاكْْ طَارِيـهـا


وِئَــامْ ونِـيّـةٍ بيْـضـا عَـــنَ الـهَـفْـوّات مِبْـعِـدْهـا
وصَراحَـهْ مِـنْ جَرَائَتْهـا بِدَىالتجْريـحْ يَطْويـهـا


ولَــهْ مَجْـنـونْ لِعْيـونـكْ حَـتّـى لَــوْ أشَاهِـدْهـا
وخَيـالٍ يَسْكِنِـهْ طيفِـكْ وحِـلْـمٍ صـورِتِـكْ فيـهـا


وَلَـعْ يِجْتَاحْنِـي وهْمُـومْ فِينـي مَـاتْ قَايِـدْهـا
وِنَــزْوَهْ مِــنْ عَـتَــبْ لَـيّــنْ طَـراوَتْـهـا تِحَلّـيـهـا


شِجونْ وتَضْحِيَةْ عُظْمَى وسوالِفْ ليلْ جَاحِدْهـا
واحَاسِيـسٍ مِثِـلْ وَبْـلْ المطَـرْ لـلْـروحْ تِحْييـهـا


ولَهْفَـةْ عاشِـقٍ لَجْـلِـكْ عِــدودْ الـمـوتْ يـارَدْهـا
وأمَلْ لَجْلِهْ قِصَرْتْ دروبْ قِـدْ طالـتْ خَطاويهـا


حَنيـنْ وكِبْريـاءْ وغَطْرَسْـتْ عِــذّالْ أجَاهِـدْهـا
وأمـانـي تَكْـسِـرْ الهـامَـهْ ولـكِـنْ ماتِوَطّـيـهـا


عَوَاطفْ عِطْرَها عَـمْ الحَشـا والشّـوق سايِدْهـا
وعَبْـرَهْ وَسّمَـتْ خّدّيـنْ وصَـارَتْ مِـنْ مُوَاريـهـا


وَرَغْبَـهْ يِغْتصبْـهـا الـوَقْـتْ يَهْدمْـهـا واشَيّـدْهـا
وهيبَـهْ مِصطِنِعْهـا لِـكْ ولاادْري كَيـفْ أبّنْهيهـا


طَلاسِمْ مِنْ شُكوكْ وظَنْ ونَشْوَةْ خُـوفْ أقَيّدْهـا
وثِـقَـهْ عَمْـيـا يِكَحْلـهـا الـعَـفـافْ ولا يَبَكْـيـهـا


قِضَت كِلْ الحُروف بْشَرْحْ أحبّك قُومْ واجْرِدْها
وَانَـا كَلمَـةْ أحبّـك مـا بَعَـدْ وَضّـحْـتْ خَافيـهـا


عَرَفْتْ الْحينْ وِشْ مَعْنَـى أحبّـك يـومْ أرَدْدْهـا
عَرَفْـتْ إنّـي أرَدْدْهـا وَانَـا قَـصْـدِي مَعانيـهـا

خـــذاني الشووق..

صح لسانك غاليتي

يعطيكي العافيه

من روعة كلماتك
يعجز لساني عن التعبير

تسلم يدينك اختي

خذاني الشوق

تقبلي مروري

اخوكـــ الحـــــــب

مشكوره يا الغلا على الكلمااات الرائعه
تسلم يمنااااااااك لا عدمنااااك
وتقبلي مروري

والله لا أدري ويش أقول
بس الله يعطيك العافيه كلمات روعه
تقبلي مروررري
أخــــــــــــ(الصعب)ــــــــــــــــــوك

شِجونْ وتَضْحِيَةْ عُظْمَى وسوالِفْ ليلْ جَاحِدْهـا
واحَاسِيـسٍ مِثِـلْ وَبْـلْ المطَـرْ لـلْـروحْ تِحْييـهـا

^

^
روووعهـ

تسلمين غلااتي ع القصيــدهـ ويعافيكـ ربي

تحيتــــــــــي