--------------------------------------------------------------------------------

*][ طفل كسر قلب الأعياد ][*

عدّى عمر .. ياليت الأعمار تنعاد
وأرجع بلا شيب وبليا تجاعيد

أرجع وأضم أبوي وأقول: لا عاد
تموت وتتركني مثل ليلة العيد

يوم اسألوا عنك الصبايا والأولاد
وقلت:أمي تقول انه مسافر بعيد

بكيت ليلتها وناديت..ما فاد
وظليت أصوت لك .. وأناديك وأعيد

عوّد يا بوي وجب لي ثياب جداد
يا كثر ما تنسى يا بوي المواعيد

بكيتك لحالي وأنا كنت معتاد
تكف دمعي بـ إيد وتضمني بـ إيد

كم كنت محتاجك تجي كنّك رقاد
تمطر من كفوفك صلاة وعناقيد

احتجت لك طفلٍ كسر قلب الأعياد
واحتجت لك طيش وشباب وتناهيد

واحتجت لك شاعر له أحباب وأضداد
واحتجت لك رجال يخشى المناقيد

احتجت لك .. واحتاج لك ظل وسناد
العمر ينقص واحتياجي لك يزيد


الشاعر المبدع.... فهد المساعد

احتجت لك .. واحتاج لك ظل وسناد
العمر ينقص واحتياجي لك يزيد

الشاعر فهد المساعد
غني عن التعريف

وتسلم يدين ناقلة القصيده

تقبلي مروري

اخوك الحب

مشكور اخوي على المرور
وهذا من ذوقك

مشكوره على النقل لكي تحياتي

دمتي بود

مشكور اخوي الاسير على المرور

الله الله عليك ياناموسـهــ

صح لسانكــ

دمتي مبدعهــ