يا ليت السالفه طالت عشان أشبع من عيونك
ما غير أقاطعك دايم عشان تطول سالفتك

أنا ماني معك أصلا لأني ضعت في كونك
إذا هي كذب صدّقتك و إذا هي صدق خالفتك

و أنا أدري كل من حولك ترى قبلي يحبونك
خذو من وقتك الغالي حلاته لين صادقتك

كما الورد الندي وجهك و بيدي لانت غصونك
سرت معك القلوب و طالتك يمناي و قطفتك

كما لون العسل عينٍ عليها ترمش جفونك
أنا سكّنتك عيوني و تحت الجفن لحفتك

يضيع أحلى الكلام اللي ثبت بشفاه مظنونك
و إذا ما شالتك عيني بوسط القلب ضيّفتك

و إذا جاء دور سالفتي ما عندي غير وشلونك
ترى ما خفت غير من الهوى و لولاه ماخفتك

و أنا ماهمني غيرك لأني صرت مجنونك
أخاف إني أموت من الضما لو يوم ما شفتك

تعال اجلس هنا جنبي علشان اشبع من عيونك
و أمانه قبل لا تسكت ياليت تعيد سالفتــك!!!