السلام عليكم ورحمة الله وبركاته

هذه بعض صور من شعر العتاب
ارجوا ان تنال على اعجابكم

.
.

http://www.al-wed.com/pic-vb/1101.gif

قلي على الله وابتعد عنك وارتاح.......قلي على الله بس من غير تجريح

من شب نار الشوق ياشوق ماصاح.....واللي وطاها يشرح الجيب ويصيح

لولا الغلا ماهنت النفس ياصاح.........محبتي لك ماوراها مصاليح

وشلون تنسى يالغضي كل ماراح.......مركب غرامك صار مع وجهت الريح

القلب في يمناك ياعزوتي طاح..........حنا على شط الرجا بك مجاريح

جرحتني واحسبك للقلب جراح.........اشوف بعيونك على الصد تلميح

قلي على الله وابتعد عنك وارتاح.......قلي على الله بس من غير تجريح

الشاعر عبدالله العليوي


http://www.al-wed.com/pic-vb/1101.gif




ابشر ترى قلبي نوى اليوم ينساك....ودع هواك وانتهت سود الايام

وعشنا حياة العز من بعد فرقاك....... انثر شقاك بدرب غيري والاوهام

ياماتحملـــت الغرابــيل ويـــاك.........ياما علينا بالخطا سقت الادنام

الى متى اصبر واتجاهل خطاياك.......وتخطي وقلبي من خطاياك منضام

ابعد وخل الوقت بالذل ياطاك...........مثلك ولويصفى لك الوقت مادام

رح للذي غرك وقفا وخلاك...........واسهر مثل ماسهرت عيوني العام

واليوم سافرعن خفوقن قد عطاك.....صافي حنانه واعتبر حبك احلام


الشاعر العقيلي



http://www.al-wed.com/pic-vb/1101.gif



محبتك غلطة عمـر في حيــاتي

ابعتذر عنها لعمري والايـــــام

اشقيت نفسي فيك من حسن ذاتي

أزرع لك رياض الغلا وأرسم أحلام

حتى بنفسك مـاتسوي سـواتي

كلي وفاء وأنت الوفا عندك أوهام

خذ حبـك المجروح مع ذكرياتي

مـابي بقايـا منــك ياغالي العام

لاني غنــاة لك ولانتب غناتي

عشنا الغلا بس الغلا عـاد مـادام

أقولــها ماعض سني شفـاتي

مابــي حسايف يكفي عيوني تنام


الشاعر سليمان السلامة



http://www.al-wed.com/pic-vb/1101.gif



يأست من رجـواك يانـاسي الحب

لو بك رجا ماضاع عمري وأنا أرجيك

أربع سنين أرجيك وأشكي لك القلب

أشكي جـروحه منك ربي يجازيـك

تشوفـني يـازين في عـابر الدرب

وتصـد عني كـن غـيري يناديك

أعطيك قلبي وانت تعـلن لي الحرب

نفسك كبيرة ماتبي من يداريــك

تجرحني بصدك وهجـرك بلا ذنب

إلا أن قلبي ياهـوى النفس يغليـك


الشاعر سليمان السلامة

http://www.al-wed.com/pic-vb/1101.gif

بصراصه قصايد غايه في الروعه
يسلمووووو
آهات عاشق على الموضوع
وتقبل مروري

تحياتي لك أختك $عشق الغرام$