السلام عليكم ورحمة الله وبركاته



الا ياللي جرحت القلـب ثـم زدت الطعـون طعـون
لـك الله مــا ذرف دمــع العـيـون الا عـلـى شـانـك

صحيح الجرح من غيرك علـى قلبـي تـراه يهـون
ياشيـن الجـرح مـن خـل ٍ عزيـز ٍ صنـتـه وخـانـك

انـا اللـي كنـت احبـك حـب مثـل الهايـم المجـنـون
وانا اللي كنت اغار اصلا عليك اكثر من اخوانـك

وانا اللي كنت احسبنـك حبيبـي وسـط هـذا الكـون
وانا اللي كنـت اشيـل همـوم قلبـك وابعـد احزانـك

وانـا اللـي كنـت اشوفـك فـوق والعالـم ولا يسـون
واحــب الـلـي تحبـونـه واعــادي كـــل عـدوانــك

وانـا اللـي كنـت اداري خاطـرك وادللـك بالـهـون
ولا اصـــدق كـــلام الا كـــلام ٍ يـنـطـق لـسـانــك

وانا اللي كنت اشوف من البشر مليون لون ولـون
ولا افـكـر احـــب انـســان لان الـقـلـب مسـكـانـك

وانا اللي كنت اقول الشعر ابك والناس ما يـدرون
كتـبـت بـــدم شـريـانـي ولا هـــو بـــدم شـريـانـك

عطيتك حبي الصادق مشيت اعمـى بـدون عيـون
عطيت احساس شاعر يعزف اوتاره علـى الحانـك

احسبنك معي صادق علـى وضـح النقـا مـا تخـون
علـى العهـد القـديـم الـلـي مـعـاي بــرت بايمـانـك

وحسب اني حكمت احساسك الكاذب واثره ضنون
وذلحينـه مسحـت اسمـك علـى رقـمـك وعنـوانـك



للشاعر / محمد جازي القثامي


تحيتــي :)

يعطيك العافيه يا إختي مها سلمت يمناك ..


تقبلي مروري .

الله يعافيك اخووي ومرحبابك
لاعدمنـــــــاكـ
تحيتي :)

صحيح الجرح من غيرك علـى قلبـي تـراه يهـون
ياشيـن الجـرح مـن خـل ٍ عزيـز ٍ صنـتـه وخـانـك

روووووعه في قمه الرووووعه وخاصه هذا البيت
يعطيك الف عافيه المها على الابيات تقبلي مروري ودمتي بود

الله يعاافيكـ يالغلا اسوولهـ والرووعهـ مرورك

لاعدمنــاكـ
تحيتي :)